Қазақстан мен Канада достық пен өзара тиімді ынтымақтастықты нығайту бағытын растады

Астана, 2022 жылғы 25 қараша – Қазақстан Республикасы Сыртқы істер министрінің бірінші орынбасары Қайрат Омаров Канада Премьер-Министрінің ЕО және Еуропа жөніндегі арнайы өкілі – Канаданың Франциядағы Елшісі Стефан Дионмен және канадалық сенаторлармен жеке кездесулер өткізді.

Келіссөздер барысында тараптар екіжақты және көпжақты ынтымақтастықтың қазіргі жағдайын талқылады.  2022 жылғы 20 қарашада өткен президент сайлауының қорытындыларына, сондай-ақ Қазақстандағы саяси және экономикалық реформаларға ерекше назар аударылды.

Президенттік сайлауға тәуелсіз байқаушы ретінде қатысқан канадалық сенаторлар Виктор Оу мен и Жан Ги Дажэнэ сайлау нәтижелерімен құттықтап, халықаралық стандарттарға сай сайлау үдерісінің жоғары деңгейде ұйымдастырылғанын атап өтті. Қазақстан Республикасы Президентінің бағытын қолдаған сайлаушылардың белсенділік танытқаны ерекше аталды.  Сенаторлар сауда-инвестициялық салалардағы екіжақты ынтымақтастықтың даму қарқынына қанағаттанушылық білдірді, сондай-ақ елдеріміз арасындағы достық пен ынтымақтастықты нығайтуға ниетті екенін растады.

Канада Премьер-Министрінің арнайы өкілі қазақстандық тарапты кезектен тыс президенттік сайлаудың сәтті өтуімен құттықтап, канадалық тараптың Президент Қасым-Жомарт Тоқаев жариялаған ауқымды реформаларын жүзеге асыруға жәрдемдесуге дайын екенін білдірді.

Тараптар Қазақстан-Канада қарым-қатынастарының ілгері дамып келе жатқанын айтып, екіжақты көпқырлы ынтымақтастықтың әлеуетін одан әрі ашуға өзара ниетін растады.