Қазақстан мен Әзербайжан СІМ басшыларының телефон арқылы сөйлесуі туралы

Нұр-Сұлтан, 2022 жылғы 25 мамыр - Әзербайжан тарапының бастамасы бойынша Қазақстан Республикасы Премьер-Министрінің орынбасары - Сыртқы істер министрі Мұхтар Тілеуберді мен Әзербайжан Республикасының Сыртқы істер министрі Джейхун Байрамов телефон арқылы сөйлесті.

Әңгімелесу барысында тараптар екі елдің барлық бағыттар бойынша екіжақты өзара іс-қимылының оң динамикасын атап өтті. Аса жоғары және жоғары деңгейдегі кездесулер кестесі және Қазақстан мен Әзербайжан арасындағы дипломатиялық қатынастардың орнағанына 30 жыл толуына орай алдағы іс-шаралар талқыланды.

ҚР СІМ басшысы әзербайжандық әріптесін келе жатқан Республика күнімен құттықтап, Әзербайжан халқына өркендеу мен бақ-береке тіледі.