СІМ басшысы Румыния Елшісін қабылдады

Нұр-Сұлтан, 2021 жылдың 21 мамыры – Қазақстан Премьер-Министрінің орынбасары - Сыртқы істер министрі Мұхтар Тілеуберді еліміздегі дипломатиялық миссиясының аяқталуына байланысты Румынияның Елшісі Чезар-Маноле Армянумен кездесті.

М.Тілеуберді қазақстандық-румын ынтымақтастығының қол жеткізілген деңгейін жоғары бағалап, Қазақстанның екіжақты негізде де, халықаралық аренада да өзара іс-қимылды одан әрі нығайтуға ниетін білдірді. Румын Елшісіне Қазақстан мен Румыния арасындағы қарым-қатынастарды дамытуға қосқан үлесі үшін Құрмет грамотасы берілді.

Румынияның Елшісі Қазақстандағы миссиясы барысында тұрақты қолдау көрсеткені үшін алғысын білдірді.