Жалпы мәліметтер
Дипломатиялық қатынастар 1992 ж. 13 мамырда орнатылды.
2010 ж. 3 наурызда Финляндияның Қазақстандағы Елшілігі ашылды.
2012 ж. 15 наурызда Қазақстанның Финляндиядағы Елшілігі ашылды.
Қазақстан Республикасының Финляндиядағы Елшісі – Ж.Сартбаева.
Финляндия Республикасының Қазақстандағы Елшісі – С.Мякеляйнен-Буханист.
Саяси ынтымақтастық
2023 ж. 19 қыркүйекте Нью-Йоркте БҰҰ Бас Ассамблеясының 78-ші сессиясы аясында Президент Қ.Тоқаевтың Финляндия Президенті С.Ниинистёмен екіжақты кездесуі өтті.
2009 және 2018 жылдары Президент Н.Назарбаев Финляндияға сапармен барды.
Финляндия Президенттері М.Койвисто 1992 ж., Т.Халонен 2010 ж. және С.Ниинистё 2013, 2015, 2017 жылдары Қазақстанға сапар жасаған. Сондай-ақ мемлекет басшылары Әлемдік және дәстүрлі діндер лидерлерінің Съезінде және «ЭКСПО-2017» халықаралық іс-шараларға қатысқан.
2023 ж. 30 қарашада Скопьеде ЕҚЫҰ министрлер кеңесі аясында СІМ басшысы М.Нұртілеу ФР Сыртқы істер министрі Э.Валтоненмен кездесті.
2010 жылдан бастап СІМаралық саяси консультациялар өткізілуде.
Қазақстан мен Финляндия Парламенттерінде парламентаралық достық топтары жұмыс істейді.
Сауда-экономикалық ынтымақтастық
2023 ж. Қазақстан мен Финляндия арасындағы тауар айналымы 208 млн. долл. құрады (экспорт – 3 млн., импорт – 205 млн.). 2022 ж. тауар айналымының көлемі 202,2 млн. долларды құрады.
2005 жылдан бастап 2023 жылғы 3 тоқсанына дейінгі кезеңде Финляндияның Қазақстанға тікелей инвестицияларының жалпы ағыны 409,5 млн. долл. құрады.
1993 жылдан бастап Қазақстан-Финляндия Сауда-экономикалық ынтымақтастық жөніндегі Үкіметаралық комиссиясы (ҮАК) әрекет етуде. Осы уақытқа дейін ҮАК-нің 12 отырысы өтті.