25 қаңтар 1992 ж. дипломатиялық қатынастар орнатылды.
1992 ж. наурызда Францияның Қазақстандағы Елшілігі ашылды.
1993 ж. шілдеде Қазақстанның Франциядағы Елшілігі ашылды.
2021 ж. маусымда Қазақстанның Страсбургтегі Бас консулдығы ашылды
2022 жылғы шілдеден бастап ҚР-дың Франциядағы Елшісі Г.Арыстанқұлова.
2020 жылғы желтоқсаннан бастап Францияның Қазақстандағы Елшісі Д.Канесс.
Жоғары деңгейдегі сапарлар:
ҚР Президенті Н.Назарбаев Францияға ресми және жұмыс сапарларымен 1992 ж. және 1994 ж., ал 1995, 1997, 2003, 2008, 2010, 2011, 2012 2015 ж., екі рет келді.
ҚР Президенті Қ.Тоқаев Францияға алғашқы ресми сапарымен 2022 жылдың қарашасында келді.
Француз көшбасшылары Ф.Миттеран 1993 жылы, Н.Саркози 2009 жылы, Ф. Олланд 2014 жылы, Э. Макрон 2023 жылы Қазақстанға барды.
Екі елдің үкімет басшылары деңгейінде кездесулер өтті: 2008 жылы Парижде, 2011 жылы екі рет, 2012, 2013 және 2014 жылдары; 2008 жылғы ақпанда және 2010 жылғы желтоқсанда Астанада (Ф.Филлон ЕҚЫҰ саммитінде Франция атынан қатысты).
Сыртқы саяси ведомстволар арасында байланыстар дамытуда. 2013 жылдан бастап министрлер деңгейінде 5 кездесу өтті (оның ішінде 1 - Қазақстанда, 2 – Францияда, 2 – халықаралық форумдар аясында). Екі елдің сыртқы саяси ведомстволары басшыларының соңғы кездесуі 2022 жылғы 20 маусымда Люксембургте ҚР-ЕО ынтымақтастық кеңесінің 19-шы отырысы аясында өтті.
Сауда-экономикалық ынтымақтастық
2023 жылдың қорытындысы бойынша Қазақстан Республикасы мен Франция арасындағы өзара сауда көлемі 4,2 млрд. АҚШ долларын (экспорт – 2,9 млрд., импорт – 1,3 млрд.) құрады, 2022 жылмен салыстырғанда (3,4 млрд.) 14,7%-ға өсті.
2005 жылдан бастап 2023 жылдың үшінші тоқсанына дейінгі кезеңде Франциядан Қазақстанға тікелей инвестицияның жалпы ағыны 18,9 млрд. долларды құрады.
Экономикалық жолдағы елдердің өзара іс-қимылының негізгі тетігі Сауда-экономикалық ынтымақтастық жөніндегі үкіметаралық комиссия (ҮАК) болып табылады. ҮАК тең төрағалары: Қазақстан тарапынан –Өнеркәсіп және құрылыс министрі Қ.Шарлапаев, ал француз тарапынан - Еуропа және сыртқы істер министрі жанындағы Сыртқы сауда, экономикалық тартымдылық және шетелдегі француз азаматтарының істері жөніндегі министр-делегаты О.Бешт.
Осы уақытқа дейін ҮАК-тің 15 отырыс өткізілді.
Сондай-ақ, Қазақстан-Франция Іскерлік кеңесі жұмыс істейді. Қазақстан тарапынан тең төраға – «Визор Холдинг» АҚ Директорлар кеңесінің төрағасы А.Кәрібжанов, француз тарапынан – «Vicat» компаниясының президенті Г.Сидос.
Осы уақытқа дейін Іскерлік кеңестің 12-ші отырысы өтті.