1992 жылғы 23 қаңтарда БҰҰ Қауіпсіздік Кеңесі Бас Ассамблеяға Қазақстан Республикасын Ұйым құрамына қабылдауды ұсынуды қаулы етті.
Бұл еліміздің тәуелсіздігін халықаралық деңгейде кеңінен тану жолындағы маңызды қадам болды.
2017-2018 жылдары Қазақстан БҰҰ Қауіпсіздік Кеңесіне сайланған бірінші Орталық Азия мемлекеті болып, қауіпсіздіктің, ынтымақтастықтың және дамудың жаһандық жүйесін нығайтуға елеулі үлес қосты.
Президент Қасым-Жомарт Тоқаев БҰҰ Бас Ассамблеясының 75-ші сессиясында сөйлеген сөзінде Қазақстан БҰҰ Миссиясы мен жарғысын, тұрақты, әділ және гүлденген әлем құруға деген ортақ ұмтылысты берік ұстанатынын және оны шын мәнінде баламасыз болып қала беретін жалғыз әмбебап және неғұрлым өкілді халықаралық ұйым ретінде қарастыратынын атап өтті.