2020 жылғы 23 қыркүйекте Қазақстан Республикасының Президенті Қ.К.Тоқаев Бактериологиялық (биологиялық) және уытты қарулар жасауға, өндіруге және оның қорларын шоғырландыруға тыйым салу мен оларды жою жөніндегі Конвенцияның (БҚК) негізінде Биологиялық қауіпсіздік жөніндегі халықаралық агенттікті (БҚХА) құруды ұсынды.
Қазіргі таңда, қарусыздану саласындағы БҚК іске асыру органы жетіспейтін жалғыз ірі келісім болып табылады. Осы орайда, Қазақстанның бастамасы қарусыздану архитектурасындағы бос кеңістікті толтыруға бағытталып отыр.
БҚХА бастамасы халықаралық алаңдарда дәйекті түрде ілгерілетуде. Негізгі жұмыс Женева қ. БҚК-ны нығайтуға арналған Жұмыс тобының аясында жүргізіледі. БҰҰ және БҚК мүше елдерінің арасында агенттіктің тұжырымдамасы мен Жарғы жобасы таратылды.
2024 жылы БҰҰ БА бірінші комитетінің 79-сессиясы аясында БҚХА құру мүмкіндігін қарастыруға шақыратын «Биологиялық қару конвенцияны нығайту және институционализациялау» атты қарар консенсуспен қабылданды.