2023 жылға арналған республикалық бюджетте 006 «Өкілдік шығындар» бағдарламасы бойынша көзделген қаражат есебінен:
1) Еуразиялық үкіметаралық кеңестің (бұдан әрі – ЕҮАК) шағын және кеңейтілген құрамдардағы отырыстарының, тыңдау және штаб бөлмелерінің, баспасөз конференцияларының конференц-жүйесін дыбыс пен жарық жабдығын орнату;
2) ЕҮАК шағын және кеңейтілген құрамдардағы отырыстары өткізілетін орындарды, ЕҮАК шағын және кеңейтілген құрамдардағы отырыстары (монтаж/демонтаж жұмыстары) өтетін залдарды, тыңдау және штаб бөлмелерін тиісті тақырыптық безендіруді;
3) баспасөз орталығын техникалық жарақтандыруды (іс-шараларды тікелей телетрансляциялау, оның ішінде баспасөз орталығына теле- және аудиосигнал беруді, компьютерлерді, принтерлерді, көп функционалды құрылғыларды, халықаралық байланысқа, жоғары жылдамдықты сымды және сымсыз интернетке қосылған телефон және факс аппараттарын, мониторларды, сондай-ақ дыбыс жабдығын және бейне, аудиосплиттерді орнату);
4) ЕҮАК отырысына қатысушылар, бірге жүретін адамдар мен бұқаралық ақпарат құралдарының өкілдері үшін баспа және басқа да өнімдерді (бейдждер, автомобильдерге арналған арнайы кіру рұқсатнамалары) жасауды;
5) ЕҮАК отырысын өткізу кезеңінде қатысушылар және бірге жүретін адамдар үшін тамақтандыру мен кофе-брейктерді қамтамасыз ету.