Қазақстан мен Черногория арасындағы тікелей әуе қатынасының ашылу рәсіміне ҚР Елшісінің қатысуы туралы

Ү.ж. 17 маусымда Қазақстанның Елшісі Төлежан Барлыбаев Қазақстаннан Черногорияға тікелей әуе рейстерінің ашылу салтанатына және Подгорица қаласында өткен баспасөз конференциясына қатысты.

Рәсімде сөз сөйлеген Қазақстан елшісі Нұр-Сұлтан мен Подгорица арасында тікелей әуе қатынасын орнату екіжақты қарым-қатынастарды дамытуға, туристік, іскерлік және мәдени алмасуларды кеңейтуге қызмет ететінін мәлімдеді. Ү.ж. сәуірде ведомствоаралық консультациялар барысында қол қойылған 2021-2023 жылдарға арналған Қазақстан мен Черногория СІМ-дерінің ынтымақтастық бағдарламасының, сондай-ақ Черногория тарапының қазақстандықтар үшін визасыз режим ұсыну туралы шешімінің маңыздылығы атап өтілді.

Дипломат екі ел арасындағы дипломатиялық қатынастардың орнағанына 15 жыл толуына орай, Подгорицада 2021 жылғы 6 шілдеге жоспарланған ҚР Құрметті консулдығы кеңсесінің ашылуын жариялады. Консулдық Черногориядағы қазақстандық туристерге жедел қолдау көрсетеді, сондай-ақ туристік, іскерлік және мәдени байланыстарды дамытуға жәрдемдеседі. Консулдықтың филиалы черногориялық жағалауында - Будва қаласында да ашылады.

Қазіргі уақытта «Air Astana» әуе компаниясының Черногория астанасына рейстері Нұр-Сұлтан қаласынан сәрсенбі және сенбі күндері, Алматы қаласынан бейсенбі және жексенбі күндері орындалады. Ү.ж. 21 маусымнан бастап рейстер күн сайын Нұр-Сұлтаннан дүйсенбі және Алматындан сейсенбі мен жұма күндері ұшып шығуларды қоса отырып орындалатын болады.

Хорватия, БмГ және Черногориядағы ҚР Елшілігінің баспасөз қызметі