Қазақстандық визаны алу тәртібіндегі келесі маңызды өзгеріске назар аударуларыңызды сұраймыз.
Визалар алушының дайын визасы мен төлқұжатын әкету үшін консулдық мекемеге келген сәтіне дейінгі 48 сағат ішінде берілген, виза алушыда коронавирустық инфекция жоқтығын растайтын медициналық анықтаманың негізінде ғана беріледі.
Қазақстан Республикасының визалары ҚР визасын беру тәртібіне сәйкес рәсімделеді.
Хорватия Республикасы, БмГ және Черногория сияқты 48 мемлекеттің азаматтары Қазақстанға келесі санаттағы бір реттік визаларды шақырусыз (визалық қолдаусыз) алуға мүмкіндігі бар екенін естеріңізге саламыз:
- Қызметтік (A3) – елде болу мерзімі 90 күн;
- Іскерлік (B1) – елде болу мерзімі 60 күн;
- Іскерлік (B3) – елде болу мерзімі 30 күн;
- Жеке (B10) – елде болу мерзімі 90 күн;
- Туристік (B12) – елде болу мерзімі 30 күн.
- Транзит (B13) – елде болу мерзімі 5 күн.
ҚР визаларын беру тәртібінде көрсетілмеген өзге жағдайларда өтінім берушінің ҚР миграциялық қызметінде рәсімделген шақыруы (визалық қолдауы) болуы міндетті (толығырақ ақпаратты Елшіліктің Консулдық бөлімінен немесе сайттан біле аласыздар).