Елші Ержан Ашықбаев АҚШ Сауда министрлігінің Еуропа және Еуразия мәселелері жөніндегі хатшы көмекшісінің орынбасары Дэвид Де Фалкомен кездесті

Бүгін Қазақстан Республикасының Елшісі Ержан Ашықбаев АҚШ Сауда министрлігінің Еуропа және Еуразия мәселелері жөніндегі хатшы көмекшісінің орынбасары Дэвид Де Фалкомен кездесті.

Тараптар екі ел арасындағы сауда-экономикалық ынтымақтастықтың кең ауқымды мәселелерін, сондай-ақ әлеуетті әріптестіктің жаңа салаларын талқылады. Сонымен қатар, ағымдағы жылғы 14-15 маусымда АҚШ Сауда Палатасымен әріптестікте өтетін Қазақстан - Америка Сауда және инвестиция форумына, сондай-ақ АҚШ пен Қазақстан арасындағы экономикалық ынтымақтастық бойынша жоғары деңгейдегі топтың аралық отырысына дайындық мәселелері қозғалды.