Қазақстан мен Польшаның өзара іс-қимылдың өзекті бағыттары Варшавада талқыланды

Варшава, 2024 жылғы 20 мамыр, Польша Сыртқы істер министрлігінде Қазақстанның Польшадағы Елшісі Әлім Кирабаевтың Польша Сыртқы істер министрінің орынбасары Роберт Купецкиймен кездесуі өтті.

Әңгімелесу барысында қазақстан-поляк ынтымақтастығының жай-күйі мен болашағы туралы мүдделі пікір алмасу өтті. Басым салалардағы өзара іс-қимылды одан әрі тереңдетуге өзара дайындығы расталды.

Көпжақты алаңдарда қазақстандық бастамаларды қолдау, сондай-ақ Қазақстан мен Еуропаны байланыстыратын халықаралық транзиттік-көлік жобаларын дамыту мәселелеріне ерекше назар аударылды.

Сонымен қатар, поляк дипломаты Қазақстан Республикасының Еуроодақпен экономикалық ынтымақтастығының кейбір аспектілері туралы егжей-тегжейлі хабардар етілді.

Өз тарапынан Польша Сыртқы істер министрінің орынбасары Қазақстанның аймақтағы Варшаваның ең маңызды серіктесі екенін растап, Астанамен өзара тиімді әріптестікті одан әрі жалғастыруға дайын екендігін атап өтті.