Қазақстан Республикасының азаматтығын жоғалтуды тіркеу

Қазақстан Республикасы азаматының (ескерту жасына қарамастан) басқа мемлекеттiң азаматтығында болуы танылмайды («Қазақстан Республикасының азаматтығы туралы» Қазақстан Республикасы Заңының 3-бабы).

«Қазақстан Республикасының азаматтығы туралы» Қазақстан Республикасы Заңының 21-бабына сәйкес, Қазақстан Республикасының азаматы болып табылатын және шет мемлекеттің азаматтығын қабылдаған адам өзге азаматтықты алған күнінен бастап күнтізбелік отыз күн ішінде шетел азаматтығын алу фактісі туралы Қазақстан Республикасының ішкі істер органдарына немесе Қазақстан Республикасының шет елдердегі мекемелеріне хабарлауға және Қазақстан Республикасы азаматының паспортын және (немесе) жеке куәлігін тапсыруға міндетті.

Шетелдік азаматтықты алу фактісі туралы осы баптың екінші бөлігінде белгіленген мерзімде хабарламау Қазақстан Республикасының заңдарында белгіленген жауаптылыққа әкеп соғады.

---

Өтінішті қарау үшін өтініш беруші төмендегі құжаттарды ұсынуы қажет:

1. Өтішін;
2. Шет мемлекеттің паспортының көшірмесі (негізгі беті);
3. Қазақстан Республикасы азаматының паспортының түпнұсқасы*;
4. Қазақстан Республикасы азаматының жеке куәлігінің түпнұсқасы*.

* Қазақстан Республикасы азаматының жеке басын куәландыратын құжаттар жоғалған жағдайда, өтініш беруші құжаттардың қашан және қандай жағдайларда жоғалғанын көрсете отырып, еркін нысанда түсіндірме жазба ұсынуы қажет.

Назар аударыңыз:

• Құжаттар өтініш берушінің жеке өзі келген кезде ғана қабылданады. Құжаттарды тапсыру кезінде кәмелетке толмаған тұлғалардың қатысуы талап етілмейді.
• Құжаттар пошта арқылы қабылданбайды.

 

Қосымша құжаттар

Тегінің және (немесе) өз есімінің өзгеруіне байланысты:

1. Тегінің және (немесе) есімінің өзгергенін растайтын құжат (куәлік).

• Шет тілінде жасалған құжаттар мемлекеттік немесе орыс тіліне аудармасымен бірге ұсынылуы тиіс.
  Шет мемлекеттің паспортына аударма талап етілмейді.

---

Кәмелетке толмаған баланың атынан құжаттарды ата-анасы (ҚР азаматы немесе бұрынғы азаматы) тапсырған жағдайда:

1. Өтініш берушінің әрбір кәмелетке толмаған баласына арналған баланың туу туралы куәлігінің көшірмесі;
2. Ата-аналардың жеке басын куәландыратын құжаттарының көшірмелері;
3. Екінші ата-ананың (егер ол ҚР азаматы болса) кәмелетке толмаған баланың ҚР азаматтығынан шығуына нотариалды куәландырылған келісімі.

• Шет тілінде жасалған құжаттар мемлекеттік немесе орыс тіліне аудармасымен бірге ұсынылуы тиіс.

---

Тұрақты тұру үшін шетелге шығуды (ТТЖ) ресімдеген жағдайда:

1. Қазақстан Республикасы Ішкі істер министрлігінің тұрақты тұру үшін шетелге шығуға берген рұқсатының көшірмесі — кету парағы, не ТТЖ-ға шығу туралы хабарлама, не паспорттағы ТТЖ-ға шығу туралы белгі.

---

Қызмет көрсету мерзімі

5 (бес) жұмыс күн

ҚР шет елдердегі мекемелері Қазақстан Республикасының азаматтығын жоғалтқаны туралы қорытындыны 5 жұмыс күн ішінде Қазақстан Республикасы азаматының жеке басын куәландыратын құжаттармен бірге Министрлік арқылы Қазақстан Республикасы Ішкі істер министрлігінің Көші-қон қызметі комитетіне жолдайды.

---

Консулдық алымның мөлшері

ҚР азаматтығынан айырылуды тіркеу үшін консулдық алым алынбайды

---

Консулдық қызметтерге кезекті онлайн брондау сілтемесі:

https://www.gov.kz/memleket/entities/mfa-warsaw/online-booking?lang=kk 

Қабылдау - тек алдын-ала жазылу бойынша

---

Консулдық бөлімнің жұмыс тәртібі:

Дүйсенбі, сейсенбі, бейсенбі, жұма:

9:30-дан 12:30-ға дейін – құжаттарды қабылдау

15:00-ден 16:00-ге дейін – құжаттарды беру

Сәрсенбі: құжаттарды өңдеуге арналған техникалық күн

---

Қосымша сұрақтар туындаған жағдайда консулдық бөлімге келесі байланыс деректері бойынша хабарласуыңызды сұраймыз: konsulatkz@gmail.com., +48 (22) 651-58-61.