Меню
Елдер арасындағы экономикалық ынтымақтастықтың негізгі тетігі – Сауда-экономикалық ынтымақтастық жөніндегі үкіметаралық комиссия (ҮАК). ҮАК тең төрағалары Қазақстанның Сыртқы істер министрінің орынбасары А.Исетов және Польшаның экономикалық даму және технологиялар министрінің орынбасары М.Барановский болып табылады. Осы уақытқа дейін ҮАК-тың 10 отырысы өткізілді (2006 жылғы 20 сәуір – Варшава, 2009 жылғы 2 қазан – Астана, 2011 жылғы 20-22 маусым – Варшава, 2012 жылғы 17 қыркүйек – Астана, 2013 жылғы 28 қазан – Варшава, 2014 жылғы 21 қараша – Астана, 2016 жылғы 14 сәуір – Варшава, 20 маусым 2018 ж. – Астана, 2023 жылғы 14-16 маусым – Варшава, ҮАК 10-шы мерейтойлық отырысы 2026 жылғы 10 сәуірде Астанада өтті).
ҚР ҚМ МКК деректері бойынша Қазақстан мен Польша арасындағы тауар айналымы 2025 жылы 1,22 млрд. долл. құрап, 2024 жылмен салыстырғанда 6,2%-ға ұлғайды (1,04 млрд. долл.). Бұл ретте Қазақстаннан Польшаға экспорт 12,7%-ға артып, 550,2 млн. долл. ұлғайды (2024ж. - 487,8 млн.долл.). Польшадан Қазақстанға Импорт 4,1%-ға артып, 667 млн. долл. жетті (2024ж. - 640,3 млн.долл.).
Қазақстаннан Польшаға экспорттың негізгі тауарлары: көмір, зығыр тұқымдары, алюминий, сутегі, инертті газдар, пропилен полимерлері және рапс тұқымдары болып табылады.
Польшадан Қазақстанға импорттың негізгі тауарлары: дәрілік заттар, алма, алмұрт, айва, желім және желім заттары, есептеу машиналары, қағаз бен картоннан жасалған ыдыстар, шпатлевкалар, нан және ұннан жасалған кондитерлік бұйымдар болып табылады.
Сонымен қатар, инвестиция көлемі тұрақты өсуге ұмтылады. 2025 жылы Польшадан ТШИ жалпы ағыны 137,8 млн. долл. құрады, бұл 2024 жылғы көрсеткіштерден 55,3% - ға жоғары (88,7 млн. долл.).