Қазақстан мен Литва экспортты ынталандыру саласында өзара тәжірибе алмасты

Вильнюс қаласы, 2024 жылғы 28 ақпан - ҚР Сауда және интеграция вице-министрі Қайрат Төребаев пен Елші Тимур Уразаев бизнесті дамытудың барлық кезеңдерінде экспорт пен инновацияларды ілгерілетуге жауапты Литва Инновациялар агенттігінде болды.

Кәсіпкерлікті дамыту департаментінің директоры Патрисия Реут презентация жасап, Агенттіктің кәсіпкерлікті, экспортты, халықаралық көрмелерге қатысуды және ұйым қызметінің басқа да салаларын дамыту бойынша бизнеске қызмет көрсету бойынша жұмысы туралы айтты.

Сұхбаттанушылар Қазақстан мен Литваның кәсіпкерлерге сараптамалық және консультациялық көмек көрсету, жобаларды қаржыландыру, ғылым мен бизнес арасындағы ынтымақтастықты дамыту, сондай-ақ тәжірибеге бағытталған білім беру ортасын құру бойынша тәжірибесімен алмасты.