Қазақстан Елшісінің Литва католиктік шіркеуінің басшысымен кездесті

2023 жылғы 21 желтоқсанда Қазақстанның Литвадағы Елшісі Тимур Уразаев Литва католиктік шіркеуінің басшысы Архиепископ Гедиминас Грушаспен кездесті.

Қазақстан Елшісі сұхбаттасушыны еліміздің әлеуметтік-экономикалық дамуының ағымдағы үрдістері және адам құқықтары мен демократияны қамтамасыз ету салаларында жүргізіліп жатқан реформалар туралы хабардар етті.

Кездесу барысында Қазақстанның 40-тан астам түрлі конфессияларды ұстанатын 130 этнос өкілдерінің мекеніне айналуына мүмкіндік берген этносаралық және конфессияаралық келісімнің қазақстандық моделінің бірегей ерекшеліктері атап өтілді.

Қазақстандық дипломат Әлемдік және дәстүрлі діндер съезінің қызметіне, оның азаматтық қоғамды топтастырудағы рөліне назар аудара отырып, осы форумның 7-ші отырысының қорытындылары, Рим Папасы Францисктің сапары және Съезінің 2023-2033 жылдарға арналған даму жоспарлары туралы айтты.

Архиепископ өз кезегінде Литваның Астанаға апостолдық сапарын зор ілтипатпен қадағалағанын, оның барысында Папа барлық елдер мен діни бірлестіктердің жетекшілерін бейбітшілік пен гүлденуге шақырғанын атап өтті.

Литва католиктерінің басшысы Литва көптеген репрессияға ұшыраған литвалықтардың аман қалуына көмектескен және осы қайғылы тарихтың беттерін мұқият сақтап отырған қазақ халқына алғысын білдірді.

Кездесу барысында волонтерлік, бітімгершілік және гуманитарлық қызмет аспектілері де талқыланды.