Қазақстан Атом энергиясы жөніндегі халықаралық агенттігінде егеменді теңдікті қалпына келтіру бойынша күш-жігерін жалғастыруда

Вена, 2024 жылғы 10 қыркүйек - Атом энергиясы жөніндегі халықаралық агенттігінің Бас конференциясы қарсаңында Қазақстан бастамасымен Агенттік Басқарушылар кеңесі ұйымдағы барлық мүше мемлекеттердің егемендік теңдігін қалпына келтіру мәселесін кезекті рет талқылады.

Жан-жақты пікір алмасу барысында АЭХА мүше мемлекеттері осы мәселені шешу бойынша оң динамиканы атап өтіп, оған өткен жылы Қазақстан бастамасымен қабылданған АЭХА Бас конференциясы қарарының ықпал еткенін айтты. Егемендік теңдікті қалпына келтіру қағидатын қалпына келтіру барысында Агенттіктің үш мүше мемлекеті - Бахрейн, Непал және Бруней Даруссалам өңірлік топтарға енгізілді және осылайша Агенттіктің басшылық органдарына сайлану құқығын қалпына келтірді.

Қазақстан Тұрақты өкілі Мұхтар Тілеуберді АЭХА мүше мемлекеттерінің негізгі құқықтарын шектеуге жол берілмеу қажеттілігін атап өтіп, өңірлік топтарды бұл мәселені шешу үшін қажетті икемділік танытуға шақырды. Ол ұйымдағы БҰҰ қағидатын қалпына келтіруге күш салуды жалғастыратынын және Агенттіктің Басқарушылар кеңесі мен Бас конференция бюросына елдерді ұсынудың балама нұсқаларын қарастыратынын атап өтті.

Бұл тармақ 2024 жылғы 16-20 қыркүйекте Венада өтетін АЭХА Бас конференциясының 68-сессиясында да қарастырылатын болады.