2025 жылғы 17–18 қыркүйекте Қазақстан Республикасының астанасы Астана қаласында Қазақстан Республикасы Президенті Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIІI Съезі өтті.
VIІI Съездің жұмысына әлемнің 60-тан астам елінен 100-ден аса делегация қатысты.
Олардың қатарында ислам, христиан, буддизм, иудаизм, индуизм, даосизм, синтоизм және бахаи қауымдастығының рухани көшбасшылары мен өкілдері, сондай-ақ халықаралық ұйымдардың басшылары, саяси қайраткерлер, құрметті қонақтар, ғылыми-сараптамалық қауымдастықтың өкілдері мен қоғам қайраткерлері болды.