Қазақстандық маман ЮНЕСКО-ның Жібек жолындағы сәулет өнеріндегі өзара алмасуларға арналған жаңа басылымының таныстырылымына қатысты

Париж, 2024 ж. 4 желтоқсан – ЮНЕСКО-ның Париждегі бас пәтерінде сәулет өнері, урбанизмның дамуы және мәдени мұра ескерткіштерін қорғау мәселелеріне арналған «Жібек жолы бойындағы мәдени алмасулар бойынша тақырыптық топтаманың» екінші томының жарық көруіне орай дөңгелек үстел өтті. Жаңа басылымның жазылуына және оны мазмұнды талқылауға Қазақстан Республикасының ЮНЕСКО және ИСЕСКО істері жөніндегі ұлттық комиссиясы жанындағы Дүниежүзілік мұра жөніндегі ұлттық комитеттің сарапшысы, археолог Дмитрий Воякин маңызды үлес қосты.

Жаңа басылымның негізінде Жібек жолы бойындағы елдер мен халықтарға тарихи тұрғыда тән технологиялар мен материалдар туралы білім алмасуда жинақталған тәжірибені талдау жатыр. Бірегей мәдени ландшафттардың қалыптасуына ықпал еткен негізгі архитектуралық жетістіктер мен қалалық дизайн идеялары атап өтілді. Басылымда стильдердің әртүрлілігін, урбанизмдегі және мәдени мұра ескерткіштерін сақтау тәсілдерінде инновацияларды ашу арқылы Жібек жолы бойындағы терең мәдениетаралық байланыстарды көрсетеді.

Іс-шара аясында тақырыптық көрме ашылды, онда технологиялар мен архитектуралық стильдермен алмасу ежелгі және орта ғасырларда осы үлкен құбылыспен қамтылған кең аймақта мәдени ландшафттарды қалай қалыптастырғаны жан-жақты көрсетіліп, ғимараттардың типологиясы мен олардың архитектуралық эволюциясына кешенді шолу жасалды.

ЮНЕСКО-дағы дөңгелек үстел мен көрме Жібек жолы бойындағы елдердің архитектуралық мұрасын зерттеу және сақтау жөніндегі жекелеген мемлекеттердің және халықаралық қауымдастықтың күш-жігеріне құнды үлес болып, оның әлемдік мәдениет үшін ерекше маңызын көрсете білді.