Ашғабатта Құрманғазы Сағырбайұлының ескерткіші ашылды

Ашғабат, 2024 жылғы 18 мамыр - Түрікменстанның ұлттық ақыны және философы Мағтымқұли Пырағына арналған Ашғабат саябақ кешенінің аумағында ұлы қазақ күйші композиторы Құрманғазы Сағырбайұлына ескерткіш ашылды. Айта кету керек, оның шығармашылығы Орталық Азия халықтарының тарихымен және мәдениетімен тығыз байланысты болған еді.

Саябақ Ашғабаттың оңтүстік бөлігінде, Түрікменстан мен Иранды бөліп тұрған Копетдаг тау жотасы етегінде орналасқан.

Ескерткіштің ашылу салтанатына Түрікменстанда аккредиттелген дипломатиялық миссиялар мен халықаралық ұйымдардың басшылары және қызметкерлері қатысты.

Салтанатты шара барысында Мағтымқұли атындағы ұлттық музыкалық драма театрының режиссері Мекан Жұмабаев Шабаз Иманалиевтің «Құрманғазы» атты өлеңдерін оқыды, жыр оқылып жатқан кезде М. Құлиева атындағы ұлттық консерваторияның оқытушысы, Түрікменстанның еңбек сіңірген өнер қайраткері Осман Гуджимов Құрманғазының ең танымал шығармаларының бірі – «Адай» күйін орындады.