Құжаттарды заңдастыру

НАЗАР АУДАРЫҢЫЗ

Қазақстан Республикасының Торонтодағы Консулдығына құжатты заңдастыруға өтініш бермес бұрын Канаданың келесі мемлекеттік органдарының бірінде құжатты заңдастыру/түпнұсқалығын растау қажет:

• Канаданың кез келген провинциясында шығарылған ресми құжаттар үшін Оттавадағы Канада Сыртқы істер министрлігінің Аутентификация қызметтері бөлімі (JLAC), немесе
• Тек Онтариода шығарылған ресми құжаттар үшін, Торонтодағы Онтарио ресми құжаттар қызметінің кеңсесі (ODS).

---

Заңдастыру мыналарға жатпайды:

1) уәкілетті тұлғаның қолы және мөрі қойылмаған құжаттар;

2) егер құжаттың түпнұсқасында уәкілетті тұлғаның қолы мен мөрі болмаса, құжаттардың нотариалды куәландырылған көшірмелері мен аудармалары;

3) электрондық құжаттар;

4) туу туралы куәлікті қоспағанда, жеке басын куәландыратын құжаттардың түпнұсқалары.

---

ҚАЖЕТТІ ҚҰЖАТТАР ТІЗІМІ

Құжаттарды заңдастыру үшін ҚР Торонтодағы Консулдыққа келесі құжаттарды ұсыну қажет:

---

• ЖЕКЕ ТҰЛҒА ҮШІН:

1) өтініш;

2) жеке басын куәландыратын құжаттың көшірмесі (салыстырып тексеру үшін түпнұсқасы) немесе цифрлық құжаттар сервисінен электрондық құжат (сәйкестендіру үшін);

3) заңдастыруға жататын құжат және оның көшірмесі;

4) консулдық алым - 35 АҚШ доллары көлемінде «Embassy of Kazakhstan» атына жасалған түрінде Money order (әр құжат үшін);

5) шетелдік ұйымдар мен мекемелер берген құжаттар мемлекеттік немесе орыс тіліне аударылуы және аудармашымен немесе аударма қызметтерін көрсететін ұйыммен куәландырылуы тиіс;

• егер Канаданың жоғарыда аталған мемлекеттік органдарының бірінде заңдастыру/түпнұсқасын растау кезеңіне дейін құжат қазақ немесе орыс тілінде шығарылған және канадалық нотариуспен куәландырылған болса, онда құжаттың аудармасы талап етілмейді;

6) өкілеттігін растайтын құжаттың көшірмесі (салыстырып тексеру үшін түпнұсқасы) (құжаттарды заңдастырылған құжат иесінің атынан заңды өкіл немесе сенімхат бойынша уәкілетті тұлға ұсынған кезде).

---

• ЗАҢДЫ ТҰЛҒА ҮШІН:

1) өтініш;

2) уәкілетті тұлғаның жеке басын куәландыратын құжаттың көшірмесі (салыстырып тексеру үшін түпнұсқасы) (сәйкестендіру үшін);

3) заңдастыруға жататын құжат және оның көшірмесі;

4) консулдық алым - 35 АҚШ доллары көлемінде «Embassy of Kazakhstan» атына жасалған түрінде Money order (әр құжат үшін).

5) заңды тұлғаның құқық қабілеттілігін растайтын құжат;

6) өкілеттігін растайтын құжаттың көшірмесі (салыстырып тексеру үшін түпнұсқасы) (құжаттарды заңдастырылған құжат иесінің атынан заңды өкіл немесе сенімхат бойынша уәкілетті тұлға ұсынған кезде);

7) заңдастыруға жататын құжаттың қазақ немесе орыс тілдеріне расталған аудармасы (түпнұсқа аудармасы Консулдықта қалады);

• егер Канаданың жоғарыда аталған мемлекеттік органдарының бірінде заңдастыру/түпнұсқасын растау кезеңіне дейін құжат қазақ немесе орыс тілінде шығарылған және канадалық нотариуспен куәландырылған болса, онда құжаттың аудармасы талап етілмейді;

---

МАҢЫЗДЫ

• Пошта арқылы жіберілген құжаттар қарастырылмайды. Құжаттар тек жеке түрде тапсырылуы керек.
• Құжаттарды қарастыру және дайындау уақыты - 3 жұмыс күнін ішінде.