Қазақстан Республикасының азаматтығын жоғалтуды тіркеу

Азаматтығын жоғалту – Қазақстан Республикасының азаматтығын тоқтатудың түрі.

Қазақстан Республикасының азаматтығын жоғалту негіздері:

• Қазақстан Республикасының мемлекетаралық шарттарында көзделген реттерді қоспағанда, адамның басқа мемлекетте әскери қызметке қауіпсіздік қызметіне, полицияға, юстиция органдарына немесе өзге де мемлекеттік өкімет және басқару органдарына орналасуы салдарынан;
• Егер Қазақстан Республикасының азаматтығы көрінеу жалған мәліметтер немесе жалған құжаттар табыс ету нәтижесінде алынса;
• Қазақстан Республикасының мемлекетаралық шарттарында көзделген негіздер бойынша;
• Егер адам басқа мемлекеттің азаматтығын алған болса;
• Қазақстан Республикасының азаматтығын алғаннан кейін басқа мемлекеттің азаматтығын растайтын құжаттарды пайдаланған жағдайда;
• Егер адамның Қазақстан Республикасының азаматтығын алуына негіз болған Қазақстан Республикасының азаматымен некесін сот жарамсыз деп таныса;
• Қазақстан Республикасының азаматы болып табылатын, шетелдіктерге асырап алуға берілген бала кәмелетке толған кезде оның ерікті қалауы бойынша;
• Адамның шетелдік қарулы қақтығыстарға, шет мемлекет аумағындағы экстремистік және (немесе) террористік әрекетке қатысуы салдарынан жоғалтады.

          Қазақстан Республикасының азаматы болып табылатын және шет мемлекеттің азаматтығын қабылдаған адам өзге азаматтықты алған күнінен бастап күнтізбелік отыз күн ішінде шетел азаматтығын алу фактісі туралы Қазақстан Республикасының ішкі істер органдарына немесе Қазақстан Республикасының шет елдердегі мекемелеріне хабарлауға және Қазақстан Республикасы азаматының паспортын және (немесе) жеке куәлігін тапсыруға міндетті.

---

 

Қазақстан Республикасының азаматтығын жоғалтуды тіркеу үшін ҚР Торонто қаласындағы Консулдығына келесі құжаттарды ұсыну қажет:

1. Өтініш.

2. Қазақстан Республикасының паспорты (түпнұсқа).

- Қазақстан Республикасының паспорты жоғалған жағдайда өтініште паспорттың қашан және қандай жағдайда жоғалғаны көрсету, сондай-ақ жеке басын куәландыратын басқа құжаттың түпнұсқасын салыстырып тексеру үшін ұсыну қажет.

3. Канада азаматы паспортының көшірмесі (Канада азаматтығының болуын растайтын сертификаты ғана болған жағдайда, сертификаттың қазақ немесе орыс тіліндегі куәландырылған аудармасы болуы керек).

- Шетелдік паспорт бойынша тегі, аты немесе әкесінің аты өзгертілген жағдайда, оны растайтын құжаттың көшірмесі (неке қию туралы куәлік, тегін, атын өзгерту туралы сертификат және т.с.с.).

Қазақстан Республикасының азаматтығын жоғалтуды тіркеу туралы анықтама алу үшін ҚР Торонто қаласындағы Консулдығына қосымша келесі құжаттарды ұсыну қажет:

1. Өтініш.

2. Қазақстан Республикасы азаматы паспортының көшірмесі.

3. Консулдық алым - 50 АҚШ доллар көлемінде «Embassy of Kazakhstan» атына жазылған «Money order».

Анықтаманы беру мерзімі - 5 күн ішінде.

---