Құжаттарды талап ету (сотталмағандығы туралы анықтама, туу туралы куәліктің. неке қию/ажырасу туралы куәліктің дубликаттары)

• Қазақстан Республикасынан құжаттарды талап ету үшін (сотталмағандығы туралы анықтама, туу туралы куәліктің дубликаты, неке қию / ажырасу туралы куәліктің дубликаты және т.б.) келесі құжаттарды ұсыну қажет:

1. Өтініш;

2. Өтініш білдіруші паспортының көшірмесі;

3. Анкета (үлгі);

4. Талап етілетін құжаттың көшірмесі (бар болған жағдайда); 

5. Консулдық алым - 30 АҚШ доллар көлемінде «Embassy of Kazakhstan» атына жазылған «Money order»;

Маңызды:
Қазақстан Республикасынан сұратылатын құжаттың Канада аумағында заңды күшке ие болуы үшін, әдетте, оған апостиль қойылуы қажет.

Апостиль құжаттың түпнұсқалығын растап, оны шетелде, соның ішінде Канадада, пайдалануға мүмкіндік береді.

👉 Егер құжат Канададағы мемлекеттік органдарға, оқу орындарына, банктерге немесе басқа ұйымдарға ұсыну үшін қажет болса, апостильді алдын ала рәсімдеу ұсынылады.

👉 Егер құжат жеке мақсатта немесе Қазақстан аумағында пайдалану үшін қажет болса, апостиль талап етілмейді.

Апостиль қою құны — әр құжат үшін 35 АҚШ доллары (төлем Money Order арқылы жүзеге асырылады).

• Құжаттарды сұратып алдыру мерзімі 4 айға дейін жетуі мүмкін.
• Алдын ала жазылу бойынша - мына сілтемеге өтіңіз: https://www.gov.kz/memleket/entities/mfa-toronto/online-booking?lang=kk 

---

Білім туралы құжаттардың телнұсқасын алу үшін Қазақстан Республикасының азаматтары болып табылмайтын және электрондық цифрлық қолтаңбасы жоқ жеке тұлғалар өз бетінше білім беру ұйымына жүгінеді.

---

• Egov.kz порталы арқылы алынған электрондық анықтама негізінде сотталмағандық туралы анықтама алу

Егер электрондық сандық қолтаңба болған жағдайда Қазақстан азаматтары Egov.kz порталы арқылы сотталмағандық туралы анықтаманың электронды нұсқасын ала алады. Электрондық құжат негізінде Консулдық қолы мен мөрі қойылған анықтаманы қазақ немесе орыс тілінде бере алады.

Ол үшін келесі құжаттарды ұсыну қажет:

1. Өтініш;

2. Паспорттың көшірмесі

3. Egov.kz арқылы алынған сотталмағандық туралы анықтаманың көшірмесі;

4. Консулдық алым - 50 АҚШ доллар көлемінде «Embassy of Kazakhstan in Canada» атына жазылған «Money order».

• Анықтаманы беру мерзімі - 3 күн ішінде.

 

---

• Қазақ немесе орыс тілдерінде анықтама алғаннан кейін Консулдықта осы анықтаманың ағылшын тіліне аудармасын қосымша консулдық төлем үшін (40 АҚШ доллар) ресімдеуге болады.

 

---

Өтініш беруші тиісті сенімхатты ұсына отырып, өз атынан Қазақстан Республикасындағы сенім білдірілген адамға ХҚКО кеңселерінде қажет құжаттарды алуға рұқсат бере алады. 

---