Ең басты тақырып және дәстүрлі басымдықтар

Қазақстан, әлемнің барлық елдері сияқты, оқшаулау режимінде өмір сүреді: шекаралар жабық, келіп-кету мүмкін емес. Бірақ осындай жағдайларда да Президент Қасым-Жомарт Тоқаев үшін өткен ай сыртқы саясат тұрғысынан өте қаныққан болды.

Карантин жағдайындағы сыртқы саясат

Әрине, әлемде коронавирустың таралуына байланысты жағдай Мемлекет басшысының жұмыс кестесіне, соның ішінде халықаралық кездесулерге де әсер етті. Бірақ сыртқы саясат Қасым-Жомарт Тоқаев қызметінің негізгі бағыттарының бірі болып қала берді, Қазақстан халықаралық аренада біздің бағыттың басымдықтарын ұстанады, ал байланыстардың күн тәртібі жаңа мазмұндарға толды.

Қазақстанда төтенше жағдай енгізілгеннен бері өткен бір ай ішінде Мемлекет басшысының сыртқы саясат кестесінде бірде бір шетелдік сапары болмаса да, өте жан-жақты болды.

16 наурыздан бастап Қасым-Жомарт Тоқаев әлемдік саясаткерлермен 10 рет телефон арқылы сөйлесті, олардың қатарында БҰҰ Бас хатшысы Антониу Гутерреш, Еуропалық Кеңес төрағасы Шарль Мишель, Ресей Президенті Владимир Путин, Қытай Төрағасы Си Цзиньпинь, Израиль президенті Ревен Ривлин, АҚШ Мемлекеттік хатшысы Майкл Помпео Қырғызстан Президенті Сооронбай Жээнбеков (екі рет), Өзбекстан Президенті - Шавкат Мирзиёев, Тәжікстан Президенті- Эмомали Рахмон.

Сонымен қатар, өткен аптада алғаш рет онлайн режимінде жоғары деңгейдегі Түркітілдес мемлекеттердің ынтымақтастық кеңесінің төтенше саммиті өтті, ал күні ертерек (сонымен бірге алғаш рет) Жоғары Еуразиялық экономикалық кеңестің отырысы өтті.

Келіссөздерде бірінші тақырып, әрине, коронавирус болды. Экономикалық ынтымақтастық және интеграциялық процестерді дамыту мәселелері бүгінде пандемия жағдайында талқылануда, оны жою шаралары халықаралық сауда мен логистикаға, ұлттық және ғаламдық экономикаға ауыр тиді. Сонымен қатар, қазіргі кездегі халықаралық ынтымақтастықтың маңызды аспектісі өзара көмек және пандемиямен күресу үшін күш-жігерді үйлестіру болып табылады.
Мемлекет басшысының халықаралық байланыстарының қазіргі кездегі маңызды міндеті - коронавирустық пандемия сияқты тарихтағы бұрын-соңды болмаған сын-қатер жағдайында елдің стратегиялық даму міндеттерін шешу үшін қолайлы сыртқы жағдайларды қамтамасыз етуге бағытталады.

Тарихи сынақ кезеңінде және жаһандық және ұлттық қауіп-қатерге тап болған кезде, Қасым-Жомарт Тоқаев терең адами қасиеттерді көрсете отырып, өзін күшті, жауапты және парасатты мемлекет басшысы ретінде көрсетеді. Шетелдік көшбасшылар Президенттің COVID-19-ның одан әрі таралуын болдырмау жөніндегі іс-әрекеттері мен шешімдерін, сондай-ақ Қазақстан қабылдаған дағдарысқа қарсы барлық шараларды жоғары бағалады, олардың уақытын ескеріп, пандемия жағдайында халықтың және елдің қауіпсіздігін қамтамасыз етуге баса назар аударды.

Тәуелсіздік алғаннан бері алғаш рет Қазақстанның сыртқы саясатының жаңа тұжырымдамасында «жұмсақ күш» тұжырымдамасы енгізілді, яғни біздің ел дипломатияның жаңа құралдарымен жұмыс істейтінін және жаңа ресурстарды пайдаланатынын мойындайды.

Осыған байланысты Қазақстан аймақтағы серіктестерін қолдай отырып, дұрыс шешімдер қабылдады. Атап айтқанда, біздің мемлекетіміз Қырғызстан мен Тәжікстан азаматтарын коронавирустың таралу ошағынан өз отандарына оралуына көмек көрсетті, тауарларды қазақстан-қырғыз шекарасы арқылы транзиттеуде жәрдем етілуде. Тәжікстан мен Қырғызстанға гуманитарлық көмек әр елге 5 мың тонна ұн түрінде берілді.

Ел басшылығы тарапы мұқтаж елдерге қолдау көрсетуді жалғастыруға дайын екендігін білдіреді.

Тұңғыш Президент - Елбасы Нұрсұлтан Назарбаев құрған бейбіт және ашық мемлекет қағидаттарын жақтаушы, ғаламдық және аймақтық қатынастардағы сенімді серіктес ретіндегі мемлекет бола тұра, Қазақстан дағдарыстан кейінгі жағдайды тұрақтандыруға бағытталған прагматикалық және белсенді сыртқы саясатты жалғастырады.

Мақаланың толық мәтінімен мына сілтеме бойынша танысуға болады: https://www.kazpravda.kz/…/tema-nomer-odin-i-traditsionnie-…