Консулдық тіркеу

Қазақстан Республикасының Жапониядағы Елшілігі келесі санаттағы Қазақстан Республикасының азаматтарын тіркеуге алады

1. консулдық аумақ территориясында тұрғылықты тұрып жатқандарды;
2. консулдық аумақ территориясында уақытша тұрып жатқандарды.

Қазақстан Республикасының азаматтарын тіркеуге алу мақсаттары:

1. Қазақстан Республикасы азаматтарының құқықтарын және заңды мүдделерін қорғау;
2. Қазақстан Республикасы азаматтарының болу елінің заңнамаларымен және Қазақстан Республикасы мен болу мемлекеті мүшесі болып табылатын халықаралық келісімдер бойынша берілген барлық құқықтарын қолдануға жан-жақты көмек көрсету.

Тұрақты консулдық есепке алу үшін Консулдық бөлімге келесі құжаттар ұсынылуы қажет:

1. Өтініш;
2. Толтырылған тіркеу карточкасы;
3. 3,5 х 4,5 өлшемдегі бір фото сурет;
4. Паспорттың 1-ші парағының көшірмесі;
5. Жапонияда тұру туралы ықтиярхат көшірмесі;
6. Кету парағы (түп нұсқасы және көшірмесі) болған жағдайда.

Уақытша консулдық есепке алу үшін Консулдық бөлімге келесі құжаттар ұсынылуы қажет:

1. Өтініш;
2. Толтырылған (уақытша) тіркеу карточкасы;
3. 3,5 х 4,5 өлшемдегі бір фото сурет;
4. Паспорттың 1-ші парағының көшірмесі;
5. Оқу немесе жұмыс орнынан анықтама;
6. Жапонияда тұру туралы ықтиярхат көшірмесі;

Қазақстан Республикасынан тыс жерде тұрақты және уақытша тұратын Қазақстан Республикасы азаматтарын консулдық есептен алу

Қазақстан Республикасының заңына сәйкес, Қазақстан Республикасының азаматтары, егер ҚР-ға қайта тұрғылықты тұруға немесе үшінші елге көшіп бара жатса, онда ҚР-дың шет елдердегі мекемелеріндегі консулдық есептен шығару туралы бірінші консулдық есепке тұрған мекемеге өтініш білдіру қажет. Егер Сіз бірінші мәрте консулдық есепке ҚР-дың Жапониядағы Елшілігінде тұрған болсаңыз, онда осы аталған мекемеден консулдық есептен шығуыңыз тиіс.

Консулдық есептен шығу үшін ҚР Жапониядағы Елшілігінің Консулдық бөліміне келесі құжаттарды тапсыру қажет:

Жапонияда уақытша тұрып жатқандар:

1. Өтініш.

Жапонияда тұрақты тұрып жатқандар:

1. Өтініш;
2. Паспорттың көшірмесі;
3. Есепке қою мөрі бар Қазақстан Республикасы азаматының паспортына қосымша бет (Қазақстан Республикасынан тыс жерде тұрақты тұратын Қазақстан Республикасының азаматтары үшін).

Анықтама: Қазақстан Республикасының азаматы келесі жағдайларда консулдық тіркеуден шығарылады:

1) өзі немесе оның заңды өкілі Қазақстан Республикасының шетелдегі мекемесіне есептен шығу туралы еркін нысанда жасалған өтініш берсе;
2) оның Қазақстан Республикасының басқа шетелдегі мекемесінде есепке қойылғаны туралы хабарлама келсе;

3) есеп карточкасында/карточкада көрсетілген консулдық округ аумағындағы, уақытша орналасу немесе тұрақты тұру мерзімі аяқталса;

4) қайтыс болса, оның хабар-ошарсыз кеткені немесе қайтыс болғаны туралы сот шешiмi заңды күшiне енсе;

5) Қазақстан Республикасының азаматтығы тоқтатылса.