Меню
2002 ж. бастап Алматы қаласында Қазақстан-Жапония адам ресурстарын дамыту орталығы бизнес-тренингтер, жапон тілі курстары және басқа да мәдени іс-шараларды өткізу мақсатында өз қызметін бастады.
2016 ж. «Астана балет» театры Жапонияның «Токио Бунка Кайкан» және «Шинджюку Бунка Сента» ірі залдарында өнер көрсетті.
2017 ж. Токио қаласында ҚР Ұлттық кітапханасы мен Токио орталық кітапханасы арасында кітаптар сыйлау рәсімі өтіп, Жапония тарапына 200-ге жуық, Токио кітапханасынан Ұлттық кітапханаға 100-ге жуық кітап табыс етілді.
2017 ж. Токио қаласында М.Әуезов атындағы қазақ мемлекеттік академиялық драма театры «Ақтастағы Ахико» атты қойылымды көрсетті.
2018 ж. Кавасаки, Йокогама, Токио және Хамамацу қалаларында Түркі мәдениет халықаралық ұйымының (TURKSOY) 25 жылдығына орайластырылған «Түркі әлемінің ұлы мұрасы» атты концерттер топтамасы өтті.
2020 ж. ұлы ақын және ойшыл Абай Құнанбайұлының 175 жылдығын мерекелеу шеңберінде Абайдың жапон тіліне алғаш рет аударылған шығармаларының тұсаукесері өтті.
2020 ж. Әбу Насыр әл-Фарабидің 1150 жылдығын мерекелеу шеңберінде Жапониядағы «Әл-Фараби орталығының» ашылу салтанаты өтті.
2021 ж. Жапонияның «Toyo Bunko» ірі кітапханасы мен мұражайында Қазақстан Тәуелсіздігінің 30 жылдығына арналған фотокөрме өтті.
2022 ж. Токиода «Akasaka Kumin Center» қоғамдық-мәдени орталығының концерттік залында Қазақстан мен Жапония арасындағы дипломатиялық қатынастардың орнағанына 30 жыл толуына орайластырылған «Жібек жолы – мәдениет пен достық көпірі» атты қазақ ұлттық музыкасының концерті өтті
2022 ж. "Tamashin RISURU Hall» концерт залында Қазақ ұлттық хореография академиясы мен «Астана Опера» мемлекеттік опера және балет театры мен Жапонияның «София» балет академиясы әртістерінің концерті өтті.
2024 жылғы 25 қаңтарда «Шекарасыз өнер» атты 21-ші халықаралық көрме аясында Токио қаласындағы Ұлттық өнер орталығында Орталық Азия елдері балаларының еңбектері көрсетілді.
2025 ж. Осакадағы ЭКСПО 2025 дүниежүзілік көрмесі аясында ұлы ақын Абай Құнанбайұлының 180 жылдығына орайластырылған Қазақстан Республикасының ұлттық күні атап өтілді.
2025 ж. Токиода Қазақстан кино күндері өтіп, «Қазақ хандығы, «Ұлы дала таңы» және «Дос-Мұқасан» фильмдері көрсетілді.
