Қазақстан Елшісінің Израиль Президентімен кездесуі туралы

Израиль Президентінің резиденциясында ұйымдастырылған ресми шара барысында Қазақстан Елшісі Сатыбалды Бұршақов Президент Ицхак Герцогпен кездесті.

Әңгімелесу барысында И.Герцог Президент Қасым-Жомарт Тоқаевқа қасиетті Рамазан айымен және Изариль мен Қазақстан арасындағы дипломатиялық қатынастардың 30-жылдығына орай құттықтауын жолдап, ең ізгі тілектерін жеткізуді сұрады.

«Бұл мерейтой Израиль мен Қазақстан арасындағы саяси, экономикалық, мәдени және т.б. сияқты түрлі салалардағы ынтымақтастықты қамтитын жақсы екіжақты қарым-қатынастарды бағалауға мүмкіндік береді», - деп мәлімдеген Президент Герцог ресми хатында.