Қазақстан израильдік озық технологиялар мен ноу-хауға, ал Израиль қазақстандық энергия тасымалдаушылар мен астықтың жеткізіліміне қызығушылық танытады.
Статистикалық бюроның мәліметі бойынша, 2024 ж. Қазақстан-Израиль тауар айналымы 236,155 млн АҚШ долл. жеткен (экспорт –167,613 млн, импорт – 68,542 млн). Сауда айналымы: 2023 ж. - 462,3 млн, 2022 ж. - 882,9 млн, 2021 ж. - 264,4 млн, 2020 ж. - 376,1 млн.
Қазақстаннан Израильге экспортталатын негізгі тауар (90%-дан астамы) – көмірсутек шикізаты. Қолда бар ақпаратқа сәйкес, Қазақстан Израильге негізгі мұнай жеткізуші елдердің бірі.
2004 ж. Израильде сауда-экономикалық қатынастарды дамыту және кеңейту мақсатында «Израиль-Қазақстан» Сауда-өнеркәсіп палатасы құрылды.
1992 ж. 29 маусымнан бастап Сауда-экономикалық ынтымақтастық жөніндегі «Қазақстан-Израиль» Үкіметаралық комиссиясы жұмыс істейді. Комиссияның 9-шы отырысы 2022 ж. шілдеде Астанада ҚР Премьер-Министрінің орынбасары – Сауда және интеграция министрі Б.Сұлтановтың және ИМ Туризм министрі К.Развозовтың төрағалығымен өтті.
Инвестициялық ынтымақтастық
ҚР Ұлттық банкінің мәліметінше, 2024 ж. Израильден тартылған тікелей инвестиция ағыны 53,7 млн. АҚШ долл. құрады.
2005 ж. бері Қазақстан экономикасына тартылған израильдік инвестициялардың жалпы ағыны 442,2 млн. АҚШ долл. құрады. Дәл осы кезеңде Қазақстаннан Израильге әкетілген ТШИ-дің жалпы көлемі – 14,6 млн. АҚШ долл.