2022 ж. 6-8 желтоқсанда Иерусалим, Тель-Авив және Нетания қалаларында Қазақ ұлттық өнер университетінің «Zhas Star» фольклорлық ансамблінің концерттері өткізілді.
ҚР Денсаулық сақтау министрі А.Ғинияттың 2022 ж. 12-14 қыркүйектегі Тель-Авивке сапары мен оның барысында ИМ Денсаулық сақтау министрі Н.Горовицпен кездесу өткізіп, екіжақты меморандумға қол қойылуы – денсаулық сақтау саласындағы ынтымақтастықты нығайтуға тың серпін берді.
Соңғы 10 жылда шетелдік тағылымдамадан өту бағдарламасы аясында 1000-нан астам қазақстандық дәрігерлер мен медбикелер Израильдің жетекші медициналық орталықтарында оқуын аяқтады.
1993 ж. бері Израиль Сыртқы істер министрлігі жанындағы «MASHAV» Халықаралық ынтымақтастықты дамыту агенттігінің қолдауымен, 300-ден астам қазақстандық маман Израильде медицина, журналистика, білім беру технологиялары, ауыл шаруашылығы, шағын бизнес және су ресурстарын басқару салаларындағы тағылымдамадан өтті.