Қазақстан QazVac вакцинасының алғашқы партиясын шығарып, өңірлерге жеткізеді
НҰР-СҰЛТАН - Қазақстан Республикасының Премьер-министрінің орынбасары Ералы Тоғжанов COVID-19-қа қарсы қазақстандық QazVac (QazCovid-in) вакцинасының бірінші партиясын жөнелтуге қатысты, деп хабарлады Премьер-министрдің баспасөз қызметі. Вакцина Қазақ биологиялық қауіпсіздік ғылыми-зерттеу институтының базасында жасалған.
2021 жылғы 23 сәуірде Қазақстан Республикасының Президенті Қасым-Жомарт Тоқаев өзінің Twitter-дегі аккаунтында QazVac вакцинасы бойынша прогресс туралы пікір білдірді. «QazVac вакцинасын ел аймақтарына жеткізу басталды. Біз барлық азаматтарға қол жетімді болуы үшін отандық вакцина өндірісін арттырамыз. Қазақстан - вакцинаны өзі өндіре алатын әлемдегі санаулы елдердің бірі. Вакцинаны жасаған барлық ғалымдар мен мамандарға рахмет!» - деді Президент Қ.Тоқаев.
Е.Тоғжанов өткен жылдың қазан айында алғаш рет берілген вакцина мәселесі бойынша Елбасының барлық тапсырмалары орындалып жатқанын атап өтті.
«QazVac» вакцинасының алғашқы 50 мың дозасы «СҚ-Фармацияның» хабтарына таратылып, одан әрі еліміздің барлық өңірлеріндегі денсаулық сақтау басқармаларының қоймаларына жеткізілетін болады. Биыл 26 сәуірде халықты «QazVac» вакцинасымен вакцинациялау басталды. Мамыр айында 50 мың доза көлеміндегі вакцинаның кезекті партиясын шығару жоспарлануда. Бұдан әрі вакцина өндірісі кезең-кезеңмен айына 500-600 мың дозаға дейін ұлғайтылатын болады.
Қазақстанда коронавирусқа қарсы вакцинация 1 ақпанда басталды. Қазіргі уақытта халық Қарағанды фармацевтикалық зауытында шығарылатын Ресейдің Sputnik V вакцинасын қолданады.
Бүгінгі таңда елімізде вакцинация бірінші дозалы инъекция 823 498 адамға және толық вакцинация 132 603 адамға салынды, деп хабарлайды ҚР Денсаулық сақтау министрлігі.
Алматы қаласы халықтың вакцинациялануы тұрғысынан 162 635 бірінші реттік дозаны вакциналау арқылы көш бастап келеді. Одан кейін Алматы облысы (111,831), Нұр-Сұлтан (78,174), Қарағанды облысы (76,069) және Шымкент қаласы (73,815) келеді.
Айзада Арыстанбек
Дерекөзі: https://astanatimes.com/2021/04/kazakhstan-produces-its-first-batch-of-qazvac-vaccine-delivers-to-the-regions/