Қазақстан Республикасы мен Иран Ислам Республикасы арасындағы нормативтік-құқықтық құжаттар тізбесі

Қазақстан мен Иран арасында дипломатиялық қатынастар орнату туралы хаттамаға 1992 жылы 29 қаңтарда Алматыда қол қойылды. 1992 жылғы 2 қарашада Тегеранда Қазақстан Республикасының Президенті Н.Ә.Назарбаевтың Иранға ресми сапары кезінде екі мемлекет басшылары қол қойған Қазақстан Республикасы мен Иран Ислам Республикасы арасындағы өзара түсіністік пен ынтымақтастық туралы декларация екіжақты Қазақстан-Иран ынтымақтастығын орнатудың негізгі халықаралық актісі болды.

Екіжақты ынтымақтастық шеңберіндегі келісімдер мен міндеттемелерді іс жүзіне асыру мақсатында Қазақстан мен Иран тараптары 1992 жылғы 2 қарашада Тегеранда Қазақстан Республикасы мен Иран Ислам Республикасы арасындағы сауда-экономикалық, өнеркәсіптік және ғылыми-техникалық ынтымақтастық жөніндегі бірлескен үкіметаралық комиссия құру туралы хаттамаға қол қойды. Осы Хаттаманың 3-бабына сәйкес үкіметаралық комиссиялардың отырыстары жыл сайын тараптардың астаналарында кезекпен өткізіледі.

Дипломатиялық қатынастар мен екіжақты ынтымақтастық туралы негізгі халықаралық шарттардың тізібесі:

Қазақстан Республикасы мен Иран Ислам Республикасы арасында дипломатиялық қатынастар орнату туралы хаттама. 29.01.1992 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы арасындағы өзара түсіністік туралы меморандум. 31.10.1992 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы Президенттерінің бірлескен коммюникесі. 31.10.1992 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы арасындағы өзара түсіністік және ынтымақтастық туралы декларация. 02.11.1992 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы арасындағы сауда-экономикалық, өнеркәсіптік және ғылыми ынтымақтастық жөніндегі бірлескен үкіметаралық комиссия құру туралы хаттама. 02.11.1992 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы арасындағы қатынастар туралы декларация. 06.10.1999 г. ж. қол қойылған сәттен бастап күшіне енді.
Қазақстан Республикасы мен Иран Ислам Республикасы Президенттерінің бірлескен мәлімдемесі. 09.09.2014 ж. қабылданды.
Қазақстан Республикасының Сыртқы істер министрлігі мен Иранның Сыртқы істер министрлігі арасындағы бес жылдық бағдарлама. 09.09.2014 ж. қол қойылған сәттен бастап күшіне енді.
Қазақстан Республикасы мен Иран Ислам Республикасы арасындағы сауда-экономикалық және инвестициялық ынтымақтастықты дамытудың жол картасы. 09.09.2014 ж. қол қойылған сәттен бастап күшіне енді.