Қазақстанның Елшісі Бейбіт Атамқұловтың Өзбекстанның Ішкі істер министрі Пулат Бобожоновпен жұмыс кездесуі өтті

Ағымдағы жылдың 3 шілдесінде Қазақстан Республикасының Өзбекстан Республикасындағы Төтенше және Өкілетті Елшісі Бейбіт Атамқұловтың Өзбекстан Республикасының Ішкі істер министрі Пулат Бобожоновпен жұмыс кездесуі өтті.

Кездесу барысында тараптар дипломатиялық миссияның Өзбекстанның Ішкі істер министрлігімен ел аумағындағы Қазақстан азаматтарының құқықтары мен мүдделерін қорғау мәселелері, Қазақстан азаматтарын құқық бұзушылықтар мен ұстау мәселелері бойынша өзара іс-қимыл және ақпараттық қамтамасыз ету тәртібі туралы өзара іс-қимылының өзекті аспектілерін талқылады.

Тараптар екі ел азаматтарының өзара сапарларының оң динамикасы мен өсуін атап өтті.

Анықтама: 2023 жылы Өзбекстанға Қазақстаннан 63,4 мың турист келген.

Дипломатиялық миссияның басшысы Б. Атамқұлов Өзбекстанның туристік полициясы жұмысының жоғары деңгейі мен кәсібилігін атап өтті. Көші-қон ережелерін бұзу, қос азаматтық және аталған мәселелер бойынша мемлекеттік органмен өзара іс-қимыл мәселелеріне жеке мән берді.