2023 жылғы 17 мамырда Қазақстан Республикасының Қаржы министрінің орынбасары Д.Кенбейіл бастаған Қазақстандық делегация Самарқандта өтіп жатқан Еуропалық Қайта Құру және даму банкінің (ЕҚДБ) Басқарушылар кеңесінің жыл сайынғы отырысына қатысты.

Іс-шараға 73 мемлекеттен 2 мыңнан астам қонақ қатысты, оның ішінде шетелдік үкіметтердің өкілдері, трансұлттық корпорациялардың, халықаралық қаржы институттары мен банктердің басшылары, экономика, инвестициялар, қаржы және технологиялар саласындағы сарапшылар, сондай-ақ жетекші шетелдік БАҚ өкілдері қатысуда.

Сондай-ақ, Қазақстан Республикасының Қаржы министрінің орынбасары Д.Кенбейіл мен қазақстандық "Бәйтерек" холдингі төрағасының орынбасары А. Мұхамеджановтың қатысуымен "инвестициялар үшін тартымды мүмкіндіктер: көп секторлы тәсіл" тақырыбында Қазақстан бойынша инвестициялық сессия өтті.

Аталған сессияның соңында тараптар қазақстандық "DAMU" кәсіпкерлікті дамыту қоры мен Қазақстандағы ЕҚДБ кеңсесі арасындағы өзара түсіністік туралы Меморандумға қол қойды.