Тоқаев ауыл шаруашылығы бизнесінің өкілдерімен кездесті

Жиналыста Ауыл шаруашылығы министрі Ербол Қарашүкеев, «Родина» көпсалалы кәсіпорнының директоры Иван Сауэр, «Олжа Агро» ЖШС бас директоры Айдарбек Ходжаназаров, «Зенченко и К» шаруа қожалығының директоры Геннадий Зенченко, «Майлы дақылдар тәжірибелік шаруашылығы» директоры Фарид Әбітаев сөз сөйледі.

         Іс-шараға қатысушылар өндірісті әртараптандыру, шикізатты терең өңдеу және жаңа ауыл шаруашылығы өнімдерін өндіру, қант өнеркәсібін, тұқым шаруашылығын, мал шаруашылығын және ветеринарияны дамыту, сондай-ақ ішкі нарықты және экспорттық әлеуетті арттыру мәселелерді көтерді.

Ауыл шаруашылығы кәсіпорындарының басшылары агроөнеркәсіп кешенін дамытуға бөлінген қаражатты тиімді бөлу және пайдалану, жер-су ресурстарын әділ бөлу мәселелеріне көп көңіл бөлді.

Ауыл шаруашылығы бизнесінің өкілдері ауылдағы өмір сүру сапасын жақсарту, жол-көлік және әлеуметтік инфрақұрылым, оның ішінде мектептер мен балабақшалардың жағдайын жақсарту, сондай-ақ кадрлар даярлау қажеттігін атап өтті.

Президент барлық айтылған ұсыныстарды назарға алып, шаруалардың пікірін ескере отырып, ауыл шаруашылығындағы істердің жай-күйіне жан-жақты талдау жасауды Үкіметке тапсырды.

Тоқаевтың айтуынша, агроөнеркәсіптік кешен өкілдерімен мұндай кездесулер тұрақты түрде өткізіліп тұруы керек, өйткені саланың мәселелерін шешуге азаматтардың өмір сапасы ғана емес, елдің азық-түлік қауіпсіздігінің жағдайы да байланысты.