2022 жылғы 23-24 мамырда Қазақстан Республикасының Өзбекстан Республикасындағы Елшісі Дархан Сатыбалдының Өзбекстандағы Қарақалпақстан Республикасында жұмыс сапары өтуде.

Сапар барысында аталған өңірдің Министрлер Кеңесі Төрағасы К. Сариевпен кездесу өтті.

Тараптар соңғы жылдардағы Қазақстан мен Өзбекстан Президенттерінің бастамасымен және қолдауымен оң нәтижелерге қол жетіп отырған экономикалық және мәдени-гуманитарлық салалардағы екіжақты ынтымақтастықтың қазіргі жағдайын, сондай-ақ көліктік өзара іс-қимыл мәселелерін талқылады.

Елші Қазақстан мен Өзбекстанның өңіраралық ынтымақтастығы экономика драйвері болып табылатынын атап өтті. Қазақстанның Қарақалпақстан өңіріндегі сыртқы саудасындағы үлесі 9,7% - ды құрайды, арадағы тауар айналымы 2021 жылдың қорытындысы бойынша 63,9 млн. Қазақстанға Экспорт-40,0 млн., импорт -23,9 млн.

Кездесу қорытындысы бойынша тараптар ауыл шаруашылығы, құрылыс материалдары мен түрлі-түсті металл өнімдерін өндіру, көші-қон, сондай-ақ жеңіл өнеркәсіп салаларындағы ынтымақтастықтың перспективалық бағыттарын белгіледі.

Сапар барысында Қазақстан Елшісі Үстірт газ-химия комбинатын қоса алғанда, өңірдің жетекші кәсіпорындарына баруға ниетті.