Қандастарды өңірлік квотаға енгізу туралы ақпарат
Қандастарды қабылдаудың өңірлік квотасына енгізу үшін қажетті құжаттар:
1) Жеке басты куәландыратын құжат (сәйкестендіру үшін) және оның отбасы мүшелері (бар болған жағдайда)
2) Неке немесе некені бұзу туралы куәліктің көшірмесі (болған жағдайда)
3) Білімін, біліктілігін және белгілі бір мамандық бойынша жұмыс тәжірибесін растайтын құжаттардың (бар болса) не еңбек кітапшасының (бар болса) көшірмелері немесе жұмыс орнынан анықтама.
Қызмет көрсету мерзімі - 14 жұмыс күні ішінде.
Дереккөз: https://adilet.zan.kz/kaz/docs/V1600013334
Әлеуметтік қолдау шаралары
Шетелден атамекенге қоныс аударушы этникалық қазақтар ҚР Үкіметімен белгіленген Ақмола, Абай, Қостанай, Павлодар, Солтүстік Қазақстан және Шығыс Қазақстан облыстарына қоныстанған жағдайда, өңірлік квота аясында мемлекеттік қолдау алуға мүмкіндігі бар.
Қандастарды қабылдаудың өңірлік квотасына енгізілген тұлғаларға субсидиялар түрінде қолдау көрсетіледі:
- көшкені үшін – отбасының әрбір мүшесіне 70 АЕК (241,5 мың теңге) бiр жолғы ақшалай көмек;
- тұрғын үйді жалдау (жалға алу) бойынша шығындарды және коммуналдық қызметтерді төлеу үшін 12 ай кезінде ай сайын бір отбасына 15-тен 30 АЕК-ке дейін (51,7-ден 103,5 мың теңгеге дейін).
Қоныстану өңірлері туралы ақпаратпен erulik.kz веб-платформасынан танысуыға болады.