Болу мемлекетінде қиын жағдайға ұшыраған, оның ішінде форс-мажор жағдайлары салдарынан қиын жағдайға ұшыраған Қазақстан Республикасы азаматтарының құқықтары мен мүдделері қорғау, сондай-ақ қайтыс болған Қазақстан Республикасы азаматтарына қатысты шаралар қабылдау бойынша іс-шараларды іске асыру қағидаларын бекіту туралы

Қиын жағдайлар деп осындай оқиғалар түсініледі:

• форс-мажорлық ахуалдарға орай пайда болған жағдайлар (еңсерілмейтін күштер, алдын алуға, бақылауға алуға келмейтін және осындай ахуал жағдайларда күтпеген сипат алған төтенше жағдайлар, соның ішінде әскери іс-қимылдар, төтенше жағдайлар);
• Қазақстан Республикасының азаматтарын шет мемлекетке заңсыз әкелу;
• Қазақстан Республикасына қарсы бағытталған құқыққа қайшы әрекеттер;
• Қазақстан Республикасы азаматтары шетелде осы Қағидалардың 10-тармағының 5 тармақшасында көзделгеннен жағдайларда қайтыс болса.

Қаржылық көмек түрлеріне төмендегідей шығыстар жатады:

• шет мемлекеттен Қазақстан Республикасына келу үшін көлік шығыстарын төлеу (экономкласты әуе билет құнынан аспайды);
• бір жолғы материалдық көмек:

тамақтану (Қазақстан Республикасынның азаматына күніне 80 (сексен) АҚШ долларына баламалы сомадан аспайды) 3 (үш) тәуліктен артық емес;

тұру (бір күнге 100 (жүз) АҚШ долларына баламалы сомадан аспайды) 3 (үш) тәуліктен артық емес;

бірінші қажеттіліктегі заттар болмаған жағдайда, оларды сатып алу (280 (екі жүз сексен)  АҚШ долларына баламалы сомадан аспайды);

• жүкті жөнелту, Қазақстан Республикасының қайтыс болған азаматының денесін (қайтыс болғандардың күлі салынған сауыттар мен табыттарды) Қазақстан Республикасына тасымалдау, мәйітханада денесін бальзамдау, сақтау, болу мемлекетінде жерлеу немесе кремациялау жөніндегі қызметтерге ақы төлеуді қамтиді.

Шетелдегі мекеме қаржылай көмек көрсетуден келесі жағдайларда бас тартады:

• біле тұра жалған айғақтарды хабарлау;
• қиын жағдайға тап болуына себеп болған Қазақстан Республикасы азаматының болу елінің заңнамасын бұзғанын растайтын құжаттардың болуы;
• Қазақстан Республикасы азаматының кінәсінен болған оқиғалар (соның ішінде алкогольге немесе есірткіге мас болған жағдайда);
• Азаматының ықтимал тәуекелдерді сезініп, өз еркімен қалуды растайтын фактілерді анықтағанда.