Шет ел азаматтары үшін консулдық бөлім қызметтері

Мемлекеттік қызмет Қазақстан Республикасының Сыртқы істер министрлігі және шет елдердегі мекемелері көрсетеді

Көрсетілетін мемлекеттік қызмет берушіге:

1) көлемі 3,5х4,5 сантиметр түрлі-түсті немесе қара-ақ фотосуреті бар виза алуға арналған визалық сауалнама; Анкета 

2) ҚР шет елдердегі мекемелерінде немесе ҚР СІМ-де виза ресімдеу кезінде ҚР ІІМ-де немесе ҚР СІМ-де тіркелген қолдаухаттың нөмірі және оны тіркеу күні (виза алушыға шақырудың нөмірін және берілген күнін шақырушы тарап хабарлайды), немесе алушылардың қолдаухаты;

3) шет мемлекеттің жарамды дипломатиялық, қызметтік және шетелдік паспорты, не болмаса Қазақстан Республикасы осы қалыпта таныған және Қазақстан Республикасының мемлекеттік шекарасын кесіп өтуге құқық беретін жеке басты куәландыратын өзге құжат (бұдан әрі – паспорт);

4) консулдық алымды төлегенін растайтын төлем құжатының түпнұсқасы;

Төленген консулдық алымдардың сомасы қайтарылмайды. (ҚР Салық кодексінің 629-бабының 7 тармағына сәйкес, 25.12.2017 N 120-VI нұсқа)

5) Виза санатына сәйкес қажетті қосымша құжаттар. 

Көрсетілетін қызметті берушіге құжаттардың топтамасын тапсырған сәттен бастап – 5 (бес) жұмыс күннен аспайды. Портал арқылы жүгінген уақытта - 1 (бір) жұмыс күні. Егер келісуші мемлекеттік орган көрсетілген мерзімде жауап ұсынбаған жағдайда, мемлекеттік көрсетілетін қызмет келісім алғаннан кейін 1 жұмыс күннің ішінде ұсынылады (көрсетілетін мемлекеттік қызметті берушіге жүгінген уақытта).

Консулдық бөлімде сізге ыңғайлы өтініш беру күні мен уақытын таңдаңыз:  Termin

«Apostille» мөртабанын қою үшін келесі құжаттарды ұсыну қажет:

1)   өтініш;

2)   өтініш берушінің жеке басын куәландыратын құжат;

3)   апостиль қоюға жататын құжат;

4)   консулдық алымның төленгенін растайтын құжат.

«Apostille» мөртабанын әрбір құжатқа қою үшін консулдық алым 30,00 еуроны құрайды.

Маңызды! Қазақстан Республикасының заңнамасына сәйкес консулдық алымдар қайтарылмайды, сондықтан алдын ала төлем жасамауыңызды сұраймыз.