ҚР аумағында коронавирус инфекциясының
пайда болуы мен таралуын болдырмау жөніндегі
ведомствоаралық комиссия отырысының
2022 жылғы 7 ақпандағы хаттамасымен
бекітілген
Қазақстан Республикасының Мемлекеттік шекарасынан
2020 жылғы 11 мамырдан бастап карантиндік шектеулер кезеңіндегі
өту тәртібі
1. Санитарлық-эпидемиологиялық жағдай жақсарғанға дейін Қазақстан Республикасының Мемлекеттік шекарасынан өту шетелдіктер мен азаматтығы жоқ адамдарға уақытша шектеулер енгізіледі, келесі адамдарды қоспағанда:
1) Қазақстан Республикасында аккредиттелген шет мемлекеттердің дипломатиялық қызмет персоналы мен олардың отбасы мүшелері (жұбайы, зайыбы, олардың ата-аналары мен балалары), сондай-ақ шет мемлекеттердің дипломатиялық және қызметтік паспорттары иелері - визалық талаптарды сақтай отырып, егерде Қазақстан Республикасының халықаралық шарттарында өзгеше тәртіп қарастырылмаған болса;
2) Қазақстан Республикасы Сыртқы істер министрлігінің шақыруымен Қазақстанға жіберілген ресми делегация және халықаралық ұйымдардың делегация мүшелері;
3) Қазақстан Республикасында аккедиттелген халықаралық ұйымдардың қызметкерлері мен олардың отбасы мүшелері (ерлі-зайыптылар, олардың ата-аналары мен балалары);
4) Қазақстан Республикасының қолданыстағы «С1», «С10» санатындағы визасы және қазақ ұлтына тиесілігі туралы белгісі бар жеке басын куәландыратын құжаттары (паспорт, жеке куәлік, туу туралы куәлігі және т.б. нотариалды куәландырылған аудармасымен бірге) бар этникалық қазақтар және олардың отбасы мүшелері (ерлі-зайыптылар, ата – аналары мен балалары) – 15 тәулік ішінде 1 реттен артық емес[1];
5) поезд және локомотивтік бригадаларының, әуе және теңіз кемелері экипаждарының мүшелері және темір жол тасымалдау процестеріне, жүктерді және халықаралық қатынаста жүктерді тасымалдауды жүзеге асыратын поездарды қабылдау, тапсыру және алып жүру операцияларына қатысатындар;
6) қазақстандық әуекомпаниялардың қызметкерлері (мәртебесін растаған жағдайда) және олардың отбасы мүшелері (ерлі-зайыптылар, ата-аналары мен балалары);
7) Қазақстан Республикасының аумағындағы шетелдік трансшекаралық құрылыстарда және шектес мемлекеттердің аумағындағы қазақстандық трансшекаралық құрылыстарда қызметтік міндеттерін атқаратын және куәландырылған атаулы тізімінде бар персоналдар;
8) Қазақстан Республикасынан жалға алынған аумақтарда[2] орналасқан әскери құралымдар, өнеркәсіп бөлімшелері мен кәсіпорындардың құрамына кіретін Ресей Федерациясының азаматтары және олардың отбасы мүшелері (жұбайы, зайыбы, олардың ата-аналары және балалары), сондай-ақ әскери құралымдарға (бөлімшеге, өнеркәсіп кәсіпорынға) тиесілігі мен туыстық байланыстары расталған және Ресей Федерациясының уәкілетті мемлекеттік органдары мен ұйымдары берген жол жүру сертификаттары бар болған кезде, осы әскери бөлімдерге, бөлімшелер мен өнеркәсіптік кәсіпорындарына жіберілген Ресей Федерациясының азаматтары;
9) «Байқоңыр» кешені мен Байқоңыр қаласының аумағына баратын– «Байқоңыр» кешенінде жұмыс істейтін, сондай-ақ Байқоңыр қаласында тұрақты немесе уақытша тіркелген мемлекеттік органдардың және өзге де ұйымдардың жұмыстың/қызметтің жарамдылығын растайтын құжатын/құжаттарын міндетті түрде ұсынатын Ресей Федерациясының азаматтары мен олардың отбасы мүшелері (ерлі-зайыптылар, олардың ата-аналары және балалары);
10) шет мемлекеттердің Үкіметаралық фельдъегерлік байланыс қызметкерлері, мәртебесі расталған кезде;
11) бұрын шет мемлекетке шығып кеткен Қазақстан Республикасының азаматтығы жоқ адамның куәлігімен құжаттаған азаматтығы жоқ адамдар Қазақстан Республикасына қайтып оралған кезде;
12) жедел әдістермен емделуге ғана келетін (еріп келетіндер екі ересек адамнан аспайтын), Қазақстан Республикасы денсаулық сақтау саласындағы ғылыми ұйымдардан (Қазақстан Республикасының Денсаулық сақтау министрлігі бекіткен тізім негізінде) жазбаша шақыруы барлар;
13) шет мемлекеттердің дипломатиялық өкілдіктері мен консулдық мекемелерінің өтініші бойынша, сондай-ақ осы дипломатиялық өкілдіктер мен консулдық мекемелердің келісілген көмегімен өз азаматтарын еліне одан әрі ұшып шығу немесе автомобиль өткізу пункттері арқылы кету үшін Қазақстан Республикасына әуе өткізу пункттері арқылы келетіндер;
14) туыстығын растайтын құжаттары болған кезде отбасы мүшелері мен жақын туыстарын (ерлі-зайыптылар, ата-аналары, балалары, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері) жерлеуге бара жатқандар, сондай-ақ олармен бірге еріп жүретін ерлі-зайыптылар мен кәмелеттік жасқа толмаған балалар, және қайтыс болған отбасы мүшелері мен жақын туыстарының мәйітін (мәйітін) жерлеу орнына бірге келетіндер;
15) емдеу орнынан ауыр науқастығын растайтын құжаттары болған кезде ауыр науқастанған отбасы мүшелерін және жақын туыстарын күтіп-бағу үшін келетіндер (ерлі-зайыптылар, ата-аналары, балалары, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері), сондай-ақ олармен бірге еріп жүретін ерлі-зайыптылар мен кәмелеттік жасқа толмаған балалар;
16) Қазақстан Республикасының аумағында тұруға ықтиярхаты барлар және олардың отбасы мүшелері (ерлі-зайыптылар, ата-аналары мен балалары) – 15 тәулік ішінде 1 реттен артық емес[3];
17) Қазақстан Республикасы азаматтарының отбасы мүшелері және туыстары болып табылатындар - туыстық байланыстар фактісі расталған жағдайда (ерлі-зайыптылар, ата – аналары мен балалары, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері) - 15 тәулік ішінде 1 реттен артық емес[4];
18) Қазақстан Республикасы аумағындағы оқу орындарында білім алып жүргендер (оқушылар, студенттер, тыңдаушылар, курсанттар), сондай-ақ олар оқу визаларын ұзарту, студенттік ID-карталарды ресімдеу, қазақстандық оқу орындарының шақырулары болған кезде емтихандар (тестілер) тапсыру үшін Қазақстан Республикасына келген жағдайда. Осы тармақшада көрсетілген мақсаттар бойынша келетін шетелдік азамат кәмелетке толмаған болса, оны ата-аналарының (қорғаншыларының немесе қамқоршыларының) алып келуге рұқсат етіледі;
19) осы тәртіпке сәйкес Қазақстан Республикасының Мемлекеттік шекарасынан өтуге рұқсат берілген, адамдарды тасымалдауды және эвакуациялық рейстерді жүзеге асыратын жүргізушілер;
20) әрбір жеке жағдай үшін Қазақстан Республикасы Премьер-министрінің орынбасары төрағалығымен арнайы құрылған Ведомствоаралық комиссия бекітетін тізімге сәйкес әлеуметтік маңызы бар компаниялардың қызметкерлері (мамандары);
21) Қазақстан Республикасының аумағында орындалатын - ауыл шаруашылық қызметін жүзеге асыруды растайтын құжаттарды ұсынған кезде (Қазақстан Республикасы Ауыл шаруашылығы министрлігі бекіткен құжаттардың тізбесі мен үлгілеріне сәйкес), сондай-ақ келісімшарттар шеңберінде автомобиль және арнайы көлік берумен айналысатын, оның ішінде Қазақстан Республикасының аумағы арқылы транзитпен өтетін, тиісті санаттағы жүргізуші куәліктері бар және ауыл шаруашылығы қызметін жүзеге асыратын жүк иелері болған кезде халықаралық жүк тасымалдайтын (бір жүк көлігінде 2 жүргізушіден аспайтын) жүргізушілер;
22) Қазақстан Республикасы Бас прокуратурасының шешімі және Қазақстан Республикасы Ішкі істер министрлігі Қылмыстық-атқару жүйесі комитетінің тиісті хаты негізінде - экстрадициялау тәртібімен берілетін шетелдіктер, азаматтығы жоқ адамдар мен Қазақстан Республикасы азаматтарының қатарынан іздестірілуде жүргендер және сотталғандар, сондай-ақ оларды қабылдап алуды – беруді жүзеге асыратын айдау мекемесінің қызметкерлері;
23) теңіз (өзен) кемелерінің экипаж құрамына қатысы және мәртебесін дәлелдейтін тиісті құжаттары бар болған жағдайда, Қазақстан Республикасына теңіз кемелерінің экипажынан тыс аусымға баратындар;
24) Қазақстан Республикасының мемлекеттік және жергілікті атқарушы органдарының шақыруымен медициналық жәрдем көрсету мақсатында, сондай-ақ шет мемлекеттер мен халықаралық ұйымдардың гуманитарлық көмегі шеңберінде Қазақстанға келетін медициналық персонал.
2. Қазақстан Республикасы азаматтарының шет мемлекеттерге Қазақстан Республикасы халықаралық әуежайлары арқылы шығуына рұқсат берілсін.
Визасыз режимі бар елдерден келген (осы Тәртіптің №1 қосымшасына сәйкес), сондай-ақ Қазақстан Республикасы Үкіметінің шешімі бойынша тікелей (тұрақты, тұрақты емес чартерлік рейстер) әуе қатынасы қайта орнатылған мемлекеттердің азаматтарына - визалық талаптарды сақтай отырып, егер Қазақстан Республикасының халықаралық шарттарында өзгеше тәртіп қарастырылмаған болса - Қазақстан Республикасына халықаралық әуежайлар арқылы кіруге/транзитпен өтуге рұқсат берілсін.
3. Қазақстан Республикасының азаматтарына 15 тәулікте 1 реттен артық емес[5] мерзімде құрлықтағы мемлекеттік шекарадан өтуге рұқсат берілсін. Сондай-ақ, аталған мерзім келесі Қазақстан Республикасы азаматтарына қолданылмайды:
1) еліміздің дипломатиялық қызметінің персоналы мен олардың отбасы мүшелері (ерлі-зайыптылар, олардың ата-аналары мен балалары);
2) Қазақстан Республикасы Үкіметімен келісілген және шет мемлекеттердің шақыруымен баратын Қазақстан Республикасының ресми делегация мүшелері;
3) қызметкер ретінде және олардың отбасы мүшелері (ерлі-зайыптылар, олардың ата-аналары мен балалары) мәртебесі расталған кезде - шет мемлекеттердің аумағында орналасқан Қазақстан Республикасы мүшесі болып табылатын халықаралық ұйымдардың қызметкерлері;
4) Қазақстан Республикасының үкіметаралық фельдъегерлік байланыс қызметкерлері, мәртебесі расталған кезде;
5) поезд және локомотивтік бригадаларының, әуе және теңіз кемелері экипаждарының мүшелері және темір жол тасымалдау процестеріне, жүктерді және халықаралық қатынаста жүктерді тасымалдауды жүзеге асыратын поездарды қабылдау, тапсыру және алып жүру операцияларына қатысатындар;
6) Қазақстан Республикасының аумағындағы шетелдік трансшекаралық құрылыстарда және шектес мемлекеттердің аумағындағы қазақстандық трансшекаралық құрылыстарда қызметтік міндеттерін атқаратын және куәландырылған атаулы тізімінде бар персоналдар;
7) Денсаулық сақтау мекемелерінің растайтын құжаттарын көрсете отырып, шетелге емделуге баратындар (еріп баратындар екі ересек адамнан аспайтын), келесі құжаттары болған кезде:
- «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 30 қазандағы № ҚР ДСМ-175/2020 бұйрығымен бекітілген 026/у нысанына сәйкес диагнозды және емдеу жеделдігін растау үшін аумақтық амбулаториялық-емханалық ұйымның дәрігерлік-консультациялық комиссиясының қорытындысы»,
- нотариалды куәландырылған аудармасы бар шетелдік медициналық ұйымнан емделуге шақыру-хат;
8) туыстығын растайтын құжаттары болған кезде отбасы мүшелері мен жақын туыстарын (ерлі-зайыптылар, ата-аналары, балалары, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері) жерлеуге бара жатқандар, сондай-ақ олармен бірге еріп жүретін ерлі-зайыптылар мен кәмелеттік жасқа толмаған балалар, және қайтыс болған отбасы мүшелері мен жақын туыстарының мәйітін (мәйітін) жерлеу орнына бірге баратындар;
9) емдеу орнынан ауыр науқастығын растайтын құжаттары болған кезде ауыр науқастанған отбасы мүшелерін және жақын туыстарын күтіп-бағу үшін баратындар (ерлі-зайыптылар, ата-аналары, балалары, бала асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері), сондай-ақ олармен бірге еріп жүретін ерлі-зайыптылар мен кәмелеттік жасқа толмаған балалар;
10) шет мемлекеттердің аумағындағы оқу орындарында оқитындар, сондай-ақ Қазақстан Республикасынан студенттік визаларын ұзарту, студенттік ID-карталарын ресімдеу, емтихандарды (тесттерді) тапсыру үшін шығатындар - шетелдік білім беру мекемесінің шақыруы болған жағдайда. Осы тармақшада көрсетілген мақсаттар бойынша келетін шетелдік азамат кәмелетке толмаған болса, оны ата-аналарының (қорғаншыларының немесе қамқоршыларының) алып келуге рұқсат етіледі;
11) еңбек шарты, келісімшарт, еңбек ету рұқсаты немесе қабылдайтын мекемеден еңбек қызметін жүзеге асыруға өзге де растайтын құжаттар немесе олардың көшірмелерін, сондай-ақ аталған мақсаттарда шет мемлекетке кіру құқығына рұқсаты бар еңбек қызметін жүзеге асыру мақсатында шетелге шығатындар;
12) осы тәртіпке сәйкес адамдарды тасымалдауды және эвакуациялық рейстерді жүзеге асыратын Қазақстан Республикасының Мемлекеттік шекарасынан өтуге рұқсат етілген жүргізушілер;
13) Қазақстан Республикасының аумағында орындалатын - ауыл шаруашылық қызметін жүзеге асыруды растайтын құжаттарды ұсынған кезде (Қазақстан Республикасы Ауыл шаруашылығы министрлігі бекіткен құжаттардың тізбесі мен үлгілеріне сәйкес), сондай-ақ келісімшарттар шеңберінде автомобиль және арнайы көлік берумен айналысатын, оның ішінде Қазақстан Республикасының аумағы арқылы транзитпен өтетін, тиісті санаттағы жүргізуші куәліктері бар және ауыл шаруашылығы қызметін жүзеге асыратын жүк иелері болған кезде халықаралық жүк тасымалдайтын (бір жүк көлігінде 2 жүргізушіден аспайтын) жүргізушілер;
14) Қазақстан Республикасы Бас прокуратурасының шешімі және Қазақстан Республикасы Ішкі істер министрлігі Қылмыстық-атқару жүйесі комитетінің тиісті хаты негізінде - экстрадициялау тәртібімен берілетін шетелдіктер, азаматтығы жоқ адамдар мен Қазақстан Республикасы азаматтарының қатарынан іздестірілуде жүргендер және сотталғандар, сондай-ақ оларды қабылдап алуды – беруді жүзеге асыратын айдау мекемесінің қызметкерлері;
15) теңіз (өзен) кемелерінің экипаж құрамына қатысы және мәртебесін дәлелдейтін тиісті құжаттары бар болған жағдайда, теңіз кемелерінің қызметкерлері;
16) Қазақстан Республикасынан басқа мемлекетке тұрақты тұруға шығатында және/немесе көш-қон визалары барлар;
4. Ақтау және Құрық теңіз порттарында осы тәртіпке сәйкес мемлекеттік шекараны өтуге рұқсат етілген адамдарды, сондай-ақ шетелдіктер мен азаматтығы жоқ адамдардың елден шығуын қоспағанда, жолаушыларды тасымалдауға тыйым салынсын. Жүктерді теңіз порттары арқылы ауыстырып тиеу қатаң түрде санитарлық-эпидемиологиялық нормаларды сақтай отырып жүзеге асырылуы тиіс.
5. Қазақстан Республикасының Мемлекеттік шекарасынан өту және Қазақстан Республикасының аумағында болу үшін мемлекеттік органдардың рұқсаттарын белгіленген тәртіппен ресімдеген жағдайда мүдделі мемлекеттік органдарға «Байқоңыр» ғарыш айлағынан ұшыру науқандары және ғарышкерлер қонатын жерден, ұшырылған ғарыш объектілерін іздестіру және эвакуациялау үшін іс-шаралар шеңберінде іске қосылған әуе кемелерін және жер үсті техникасын шекара арқылы өткізуді жүзеге асыруға рұқсат берілсін.
6. Қазақстан Республикасының Сыртқы істер министрлігіне Қазақстан Республикасы Ұлттық қауіпсіздік комитетінің Шекара қызметімен, Қазақстан Республикасы Ішкі істер министрлігімен, Қазақстан Республикасы Денсаулық сақтау министрлігімен, Қазақстан Республикасы Индустрия және инфрақұрылымдық даму министрлігімен келісім бойынша (сондай-ақ, жұмыс тәртібінде) шет мемлекеттердің дипломатиялық қызметтері мен халықаралық ұйымдар ресми өтініш жасаған кезде Қазақстан Республикасы арқылы транзиттік жол жүрудің мүмкіндігін анықтауға рұқсат берілсін.
7. Қазақстан Республикасының Сыртқы істер министрлігіне Қазақстан Республикасының Денсаулық сақтау министрлігі мен Ұлттық қауіпсіздік комитетінің Шекара қызметімен келісу бойынша (сондай-ақ, жұмыс тәртібінде) Қазақстан Республикасында аккредитацияланған шетелдік мемлекеттердің дипломатиялық өкілдіктері мен халықаралық ұйымдар ресми өтініш жасаған кезде шетелдік дипломатиялық, консулдық өкілдіктер және халықаралық ұйымдар қызметкерлері мен олардың отбасы мүшелерінің, сондай-ақ шетелдік дипломатиялық, консулдық өкілдіктері мен халықаралық ұйымдар шақыратын тұлғалардың Қазақстан Республикасының аумағына кіру/шығу мүмкіндігін анықтауға рұқсат берілсін.
8. Қазақстандық өткізу пункттерінде орналасқан көліктік логистикалық орталықтарына баратын халықаралық жүк тасымалдаушы жүргізуші – Қытай Халық Республикасы азаматтарына 24-сағаттық визасыз кіріп-шығуға рұқсат берілсін.
Қосымша №1
1. Жалпыазаматтық паспорттардың иелері үшін визалық талаптардан босату туралы екіжақты келісімдерге қол қойылған елдер:
2. Қазақстан Республикасының заңнамасы бойынша біржақты тәртіпте визасыз режимде келуге және шығуға рұқсат етілген елдер (ҚР Үкіметінің 2012 жылғы 21 қаңтардағы № 148 қаулысына сәйкес):
[1]Қазақстан Республикасына келуге келесі рұқсат үшін 15-күндік мерзім есебі шетелдіктің (азаматтығы жоқ адамдар) Қазақстан Республикасынан кеткен күнінен басталады.
[2]Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінің 929-Мемлекеттік ұшу-сынақ орталығын (Қазақстан Республикасының аумағында орналасқан объектілері мен әскери алаңдарын) пайдалану тәртібі туралы келісім(Мәскеу қ., 1995 жылғы 20 қаңтар).
Қазақстан Республикасы мен Ресей Федерациясы арасындағы Сары-Шаған сынақ полигонын пайдалану мен жалға беру шарттары және Приозерск қаласының тіршілік әрекетін қамтамасыз ету туралы келісім (1995 жылғы 20 қаңтар).
[3] Қазақстан Республикасына келуге келесі рұқсат үшін 15-күндік мерзім есебі шетелдіктің (азаматтығы жоқ адамдар) Қазақстан Республикасынан кеткен күнінен басталады.
[4] Қазақстан Республикасына келуге келесі рұқсат үшін 15-күндік мерзім есебі шетелдіктің (азаматтығы жоқ адамдар) Қазақстан Республикасынан кеткен күнінен басталады.
[5] Қазақстан Республикасынан шығуға келесі рұқсат үшін 15-күндік мерзім есебі азаматтың Қазақстан Республикасына оралған күнінен баталады.