ЕКПА басшылығы мен депутаттары Қазақстанда жүргізіліп жатқан ішкі саяси реформаларға жоғары баға береді және Тәуелсіздіктің 30 жылдығымен құттықтайды

Страсбург, 2021 жылғы 27 қыркүйек – Еуропа Кеңесі Парламенттік Ассамблеясының (ЕКПА) басшылығы мен депутаттары Қазақстанда, әсіресе инклюзивті білім саласында жүргізіліп жатқан ішкі саяси реформаларға жоғары баға береді, сондай-ақ елдің Тәуелсіздіктің 30 жылы ішінде қол жеткізген прогрессивті нәтижелерін атап өтеді.

Бұл туралы олар ЕКПА күзгі сессиясының жұмысына қатысатын ҚР Парламенті Сенаты Төрағасының орынбасары Асқар Шәкіров бастаған қазақстандық делегацияға хабарлады.

Еуропа Кеңесі ғимаратының бас фойесінде ерекше қажеттіліктері бар жас қазақстандықтардың "Әлем балалар көзімен" атты суреттер көрмесі ашылды. Ол ЕКПА-ның күзгі гибридтік сессиясына келген 200-ден астам еуропалық депутатты қазақстандық балалардың шығармашылығымен ғана емес, сондай-ақ ҚР Президенті Қасым-Жомарт Тоқаевтың инклюзивті білім беру және мүгедектердің құқықтарын қорғау саласындағы бастамаларымен таныстырады.

ЕКПА төрағасы Рик Демс жас таланттардың шығармашылығына тәнті болып, суретші бола отырып, қазақстандық Шагалдар мен Пикассоны анықтады. ЕКПА басшысы ҚР басшылығының осындай балалардың құқықтарын қорғауға, оларға толыққанды даму үшін мүмкіндіктер беруге бағытталған күш-жігеріне ілтипат білдірді. Ол сондай-ақ Мемлекет басшысының партия құрылысын жандандыру, парламенттік оппозицияны енгізу, Адам құқықтары жөніндегі уәкіл институтын нығайту және өлім жазасын жою жөніндегі саяси бастамаларын жоғары бағалады. "Демократиялық даму, адам құқықтарын құрметтеу және заңның үстемдігін сақтау саласындағы Қазақстан мен ЕКПА ұстанымдарын жақындастыру жөніндегі жұмысты жалғастыру маңызды", - деп мәлімдеді Р.Демс.

Тәуелсіздіктің 30 жылдығын мерекелеу аясында ЕКПА делегаттары үшін ұлттық музыка концерті мен Қазақстан туралы фотокөрме ұйымдастырылды. Іс-шарада ЕКПА вице-төрағалары, депутаттар Киммо Кильюнен (Финляндия) және Аркадиуш Мулярчик (Польша) құттықтау сөз сөйлеп, ұйым атынан Қазақстанды Тәуелсіздіктің 30 жылдығымен құттықтап, елдің халықаралық аренадағы үлкен жетістіктерін және салмақты ішкі саяси бағытын атап өтті. "Қазақстан өзінің тарихи мүмкіндігін ұтымды пайдалануда. Бұрынғы Президент Назарбаевты жеке біле отырып және қазіргі Президент Тоқаевтың досы бола отырып, мен олардың сыртқы саясатты құратын, елдің қауіпсіздігін нығайтатын және оның дамуына ықпал ететін іргелі қағидаттарын құптаймын", - деді Кильюнен. Іс-шараға Испания, Финляндия, Польша, Литва, Норвегия, Украина, Әзірбайжан және басқа да елдердің парламентшілері қатысты, олардың айтуынша, олар қазақстандық әртістердің шығармашылығынан және қазақтардың мәдениетінен көптеген жағымды әсер алыпты.