2020 жылдың қыркүйегінен бастап Бас консулдықтың қызметі Үлкен Шығыс аймағымен сауда-экономикалық ынтымақтастықты жандандыруға бағытталған. Үлкен Шығыс аймағы 2016 жылдың 1 қаңтарында құрылғанына қарамастан, оның құрамына кіретін аймақтар (Эльзас, Лотарингия, Шампань-Арденны) қазақстандық делегациялар тарапынан бірнеше рет барған. Өз кезегінде, осы аймақ өкілдері де Қазақстанға жұмыс сапарларын жасап, ынтымақтастықтың дамуына ықпал етті.
Негізгі оқиғалар мен сапарлар:
- 2006 ж. – Астана қаласының әкімі Ө.Шөкеев Страсбургқа сапар жасап, “Lohr Industrie” компаниясының басшылығымен келіссөздер жүргізді.
- 2007 ж. – Страсбургта Эльзас Сауда-өнеркәсіп палатасымен бірлесіп, Қазақстан Республикасының инвестициялық мүмкіндіктерін таныстыру іс-шарасы ұйымдастырылды.
- 2009 ж. – Қазақстан-Француз үкіметаралық комиссиясының делегациясы ҚР Экономика және бюджеттік жоспарлау министрі Б.Сұлтановтың басшылығымен Реймс қаласына сапары өтті.
- 2009 ж. – Эльзас Өңірлік кеңесінің төрағасы А.Рейшар Үлкен Шығыс өңірінің 12 шағын және орта бизнес кәсіпорнының өкілдерімен бірге Астана және Алматы қалаларында қазақстандық компаниялармен кездесулер өткізді.
- 2011 ж. – Астана қаласы әкімдігінің және «ҚТЖ» делегациясы Реймс қаласына сапар жасап, “Alstom” компаниясымен елордада жеңілрельстік трамвай көлігін құру мүмкіндіктерін талқылады.
- 2021 ж. – Түркістан облысының фермерлер делегациясы Мец қаласында өткен “Агримакс-2021” халықаралық мал шаруашылығы көрмесіне қатысты.
- 2022 ж. – Бас консулдың Эльзас Еуропалық қауымдастығының вице-президенті Н.Маттпен кездесуі өтті.
- 2024 ж. – Бас консулдың «Эльзас Еврометрополь» Сауда-өнеркәсіп палатасының президенті Ж.Хаймбургермен кездесуі өтті.
- 2024 ж. – Страсбургтың халықаралық басқару мектебінің алаңында қазақстандық “Arba Wine” шарап өнімдерінің Франция мен Еуропадағы экспорттық әлеуетін ілгерілету мақсатында онлайн семинар өткізілді.