Паспортты ресімдеу

Құрметті азаматтар, паспортты ресімдеуге қажетті құжаттарды тапсыру кезінде келесі мәселелерді назарға алуды сұраймыз:

  • Швецияға жеке сапармен немесе туристік виза арқылы келген Қазақстан азаматтары өз паспорттарын тек Қазақстан Республикасында тұрғылықты жерінде айырбастаулары керек;
  • КСРО-ның шетелге шығу төлқұжаты (қызыл паспорт) 1999 жылғы қаңтар айынан бастап жарамсыз.

ҚР халқын құжаттандыру және тіркеу ережелеріне сәйкес, Қазақстанның шетелдік мекемелерінде ҚР-дың азаматтарына жаңа паспортты ресімдеу үшін келесі тұлғалардан құжаттар қабылданады:

- болу елінің оқу орындарында бір жылдан кем емес мерзімде білім алып жүргендер;

- болу елінде бір жылдан кем емес еңбек келісім-шарты бар жұмысшылар;

- Қазақстанның құзырлы мекемелерімен берілген Қазақстаннан тыс жерде тұрақты рұқсаттың көшірмесі;

- аталған тұлғалармен бірге тұратын отбасы мүшелері.

Қазақстан Республикасының паспортын алу және ресімдеу үшін Сізге тқменде көрсетілген құжаттарды екі данада тапсыру керек:

1. Өтініш және сауалнама (құжаттарды тапсыру күні толтырылады).
2. Өтініш білдірушінің Швецияда болу себебін растайтын келесі анықтамалардың бірі:

  • Қазақстаннан тыс жерде тұрақты тұруға рұқсаттың көшірмесі (ҚР Ішкі істер органдарымен жасалған паспорттағы белгісі немесе берілген анықтамасы);
  • оқу орнынан анықтама (университет, колледж немесе мектепте оқитын болсаңыз) аударылған және апостильденген ;
  • бір жылдан кем емес мерзімге жасалған еңбек келісім-шарты (бұл ереже жеке кәсіпкерлерге таралмайды);
  • жоғарыда аталған тұлғалармен туыстық байланыстарды растайтын құжат.

3. Егер мұндай анықтаманы алу мүмкіндігі болған елінің заңнамасында көзделсе, болған еліндегі құзыретті органнан алған азаматтығының жоқ екені туралы анықтама. (ағымдағы азаматтығын көрсететін personbevis - Skatteverket, немесе Migrationsverket - Nationellt servicecenter i Norrköping), аударылған және апостильденген;
4. Қазақстандық нысандағы немесе қазақ н/е орыс тілдеріне аударылған, апостиль қойылған швед/дат нысанындағы (жеке нөмірі бар) туу туралы куәліктің көшірмесі;
5. Паспорттың түпнұсқасы мен көшірмесі:

  • Егер ҚР паспорты жоғалған немесе ұрланған жағдайда, Швецияның полициясынан аталған фактті дәлелдейтін тиісті анықтаманы ұсыну қажет.

6. Ата-аналардың екеуінің де паспорттарының көшірмесі (16 жасқа дейінгі балалар үшін);
7. Неке қию туралы куәліктің көшірмесі, шетелдік органдары берген болса аударылған және апостильденген;
8. Балалардың паспорттарының көшірмелері (16 жасқа дейін);
9. 4 түрлі-түсті фотосурет (3.5х4.5см).
10. Банктік аударым бойынша 900 SEK (+ банк комиссиясы) сомасында төлем.

 

Шет тіліндегі құжаттар қазақ немесе орыс тіліне аударылуы тиіс.

 

Мемлекеттік қызметті көрсету мерзімі - құжаттар топтамасын тапсырған күннен бастап 80-нен 90-ға дейін күнтізбелік күн.

Банк реквизиттері:

Embassy of Kazakhstan

Bank*******SEB

Account****5277 110 53 57

IBAN*******SE58 5000 0000 0527 7110 5357

BIC*********ESSESESS
Өтініш
Дата публикации
03 марта 2020