Софияда Ядролық сынақтарға қарсы халықаралық іс-қимыл күніне және Семей ядролық полигонының жабылуының 31 жылдығына арналған тақырыптық фотокөрме өтті

София, 2022 жылғы 25 тамыз – Астаналық «Земята и хората» музейінің ғимаратында Қазақстан Республикасының Елшілігі Халықаралық ядролық сынақтарға қарсы іс-қимыл күніне және Семей ядролық полигонының жабылуының 31-жылдығына арналған фотокөрме ұйымдастырды.

Аталған іс-шараға Болгарияда аккредиттелген шетелдік дипломатиялық корпустың өкілдері, болгарлық БАҚ және сарапшылар, сондай-ақ Софияда тұратын Қазақстан азаматтары қатысты.

Елші Т. Ізбастин Қазақстанның ядролық қарудан азат әлем құруға бағытталған ядролық қаруға қарсы бастамалары туралы егжей-тегжейлі айтып, ҚР Тұңғыш Президенті Н.Ә.Назарбаевтың Семей сынақ полигонын жабу туралы тарихи шешімін ерекше атап өтті.

Іс-шара соңында қатысушыларға Семей полигонындағы ядролық жарылыстардың салдары және «Невада-Семей» антиядролық қозғалысы туралы бейнеролик көрсетілді.