София қаласында "Алаш" қозғалысының қайраткерлері туралы деректі фильмнің көрсетілімі және брошюраның тұсаукесері өтті

София, 2022 жылғы 30 мамыр – Болгар журналистері одағының қабырғасында болгар тіліне аударылған "Алаш" ұлт-азаттық қозғалысының қайраткерлері туралы деректі фильмнің көрсетілімі және тақырыптық брошюраның тұсаукесері өтті.

Іс-шара барысында Қазақстан Елшісі Т.Ізбастин қатысушыларды қарсы алып, Алашорданың қалыптасуы, дамуы мен қызметінің негізгі кезеңдері туралы егжей-тегжейлі айтып берді.

Болгарлық көрермендер мен қазақ диаспорасының өкілдері қазақ мемлекеттілігінің іргетасын қалаған ұлы қазақ қайраткерлерінің тарихи миссиясымен танысты.