Софияда Қазақстан тәуелсіздігінің 30 жылдығына арналған дөңгелек үстел өткізілді

София, 2021 жылғы 16 қыркүйек – Софияда шетелдік дипломатиялық корпус, болгар жұртшылығы, журналистер, сарапшы топтар, диаспора өкілдерінің қатысуымен Қазақстан тәуелсіздігінің 30 жылдығына арналған дөңгелек үстел өткізілді және «Әлемдік қоғамдастық таныған Қазақстан» атты фотокөрме ашылды.

Іс-шара барысында Қазақстан Елшісі Теміртай Ізбастин мемлекеттік реформаларды жүргізудегі, әртараптандырылған нарықтық экономика құрудағы, қоғамдық келісім және жалпыұлттық бірліктің бірегей моделін құрудағы елдің соңғы 30 жылдағы тарихи серпілісінің негізгі кезеңдерін атап өтті.

Іс-шараға қатысқан қонақтар дөңгелек үстелдің маңыздылығын атап өтіп, Қазақстанның әлеуметтік-экономикалық саласында, сондай-ақ ішкі және сыртқы саясатты дамыту бағытындағы маңызды жетістіктерін атап өтті.

Атап айтқанда, Ресей Елшілігінің мәдениет жөніндегі кеңесшісі Алексей Новоселов еліміздің жоғары қарқынмен дамуын және Қазақстанның халықаралық аренада достық қарым-қатынастарды ілгерілетудегі оң жұмысын атап өтті. Ол Қазақстан көрші елдермен өзара іс-қимылдың көптеген салаларында қарым-қатынас орнату мәселесінде көптеген елдер үшін үлгі болып табылатынын атап өтті.

Көрнекті ғалым Христо Смоленов Қазақстан басшылығының «Рухани жаңғыру» бағдарламасының негізгі қағидаттарын енгізу арқылы әлеуметтік және рухани жағынан бағдарланған саясатты іске асыру жөніндегі бағытын қолдады. Қазақстанның этносаралық және конфессияаралық келісімді нығайту саласындағы табысты тәжірибесі ерекше атап өтілді. Сондай-ақ, дөңгелек үстелде қазақ диаспорасы мен болгар жұртшылығының өкілдері сөз сөйледі.

Дөңгелек үстелге қатысушылар тәуелсіздік жылдарындағы еліміздің жетістіктері туралы фотоматериалдар мен суреттер ұсынылған "Әлемдік қоғамдастық таныған Қазақстан" фотокөрмесімен танысты.