Болгарияда "Наурыз" халықаралық мерекесі мен Дүниежүзілік поэзия күні атап өтілді

2021 жылғы 21 наурызда Қазақстанның Болгариядағы Елшілігі Болгарлық Журналистер Одағымен бірлесіп, "Наурыз" халықаралық мерекесін және Дүниежүзілік поэзия күнін Абай Құнанбайұлы мен "Наурыз" туралы деректі фильмдердің көрсетілімімен атап өтті.

Іс-шараға Болгарлық Журналистер Одағының және Елшіліктің өкілдерінен басқа "Димаш Құдайберген" болгарлық Фан-клубының басшылары мен қызметкерлері, болгарлық мәдени өкілдері және Болгарияда тұратын Қазақстан азаматтары қатысты.

Іс-шарада Болгарлық Журналистері Одағының төрайымы С.Тодорова сөз сөйлей отырып, екі ел халықтары арасындағы мәдени байланыстарын дамытуға бағытталған Елшілікпен бірлескен іс-шараларды ұйымдастыру маңыздылығын атап өтті.

Өз кезегінде, Қазақстан Елшісі Т.Ізбастин қатысушыларға "Наурыз" мерекесінің дәстүрлері мен әдет-ғұрыптары туралы айтып, қазақтың ұлы ақыны Абай Құнанбайұлының жеке басына егжей-тегжейлі тоқталды.

Іс-шараның маңызды аспектісі "Наурыз" және Абай Құнанбайұлы туралы деректі фильмдерді көрсету болды.

Іс-шара соңында қонақтар Болгарияда тұратын Қазақстан азаматтары дайындаған "Наурыз көже" дәстүрлі сорпасымен және басқа да ұлттық тағамдармен танысты.