Елші Сингапур мен Оңтүстік-Шығыс Азияның жетекші БАҚ өкілдері үшін гибридті форматта брифинг өткізді

2022 жылғы 18 қаңтарда Қазақстанның Сингапурдағы Елшісі Аркен Арыстанов Сингапур мен Оңтүстік-Шығыс Азияның жетекші БАҚ өкілдері (Straits Times, South China Morning Post, Channel News Asia және т.б.) үшін гибридті форматта брифинг өткізді, онда олар Қазақстандағы ағымдағы жағдай және Қазақстан Президенті Қасым-Жомарт Тоқаевтың Қазақстан Республикасы Парламенті Мәжілісінің арнайы отырысында сөйлеген сөзі туралы хабардар болды.

Елші Маңғыстау облысында бейбіт митингілер ретінде басталып, Алматы мен Қазақстанның басқа да қалаларында болған қайғылы оқиғаларға ұласқан оқиғалардың толық хронологиясын келтірді. Ол террористік топтар елдің конституциялық жүйесін бұзуға тырысып, әкімшілік мекемелерге, полиция бөлімшелеріне, бейбіт тұрғындарға, оның ішінде медицина қызметкерлеріне, өрт сөндірушілерге және журналистерге жаппай қарулы шабуылдар жасағанын атап өтті.

Сондай-ақ, ол жағдайды талдау Қазақстанның шетелде даярлықтан өткен жақсы үйлестірілген террористік топтар тарапынан қарулы агрессияға ұшырағанын көрсеткенін атап өтті. Осыған байланысты Қазақстанның барлық аумағында төтенше жағдай енгізілді, терроризмге қарсы операция басталды, Мемлекет басшысы ҰҚШҰ-ға мүше мемлекеттерге елдегі жағдайды тұрақтандыруға жәрдемдесу үшін бітімгершілік күштерін жіберу туралы өтініш жасады.

Қазақстанның құқық қорғау органдары мен қарулы күштері «бейбіт наразылық білдірушілерге» емес, террористерге қарсы тұрғанын атап өтті.

Мемлекет басшысының елдің одан әрі әлеуметтік-экономикалық дамуы және республикадағы саяси реформаларды іске асыру жөніндегі тапсырмаларына ерекше назар аударылды.

Сондай-ақ, шетелдік инвестициялар мен компаниялардың, соның ішінде сингапурлық компаниялардың бизнесі қорғалғаны атап өтілді. Елшілік екіжақты және көпжақты ынтымақтастықтың барлық өзекті мәселелері бойынша халықаралық серіктестермен тұрақты қарым-қатынастарды растады.

Офлайн форматтағы брифингке Сингапур баспасөз клубының құрметті хатшысы Сантош Кумар, Назарбаев Университеті жария саясат Жоғары мектебінің шақырылған профессоры Басскаран Наир, Сингапур Ұлттық университеті Таяу Шығыс институтының бас ғылыми қызметкері Алессандро Ардуино, сондай-ақ News Asia арнасының аға редакторы Джереми Коу қатысты.