Қазақстанның Шанхайдағы Бас консулы Шанхай қ. Халық үкіметі Сыртқы істер кеңсесінің басшылығымен кездесу өткізді

Шанхай, 2024 жылғы 6 тамыз – Қазақстанның Шанхайдағы Бас консулы Рахымжан Рахимов Шанхай қ. Халық үкіметі Сыртқы істер кеңсесі басшысының орынбасары Е Лянмен кездесу өткізді.

Кездесу барысында тараптар Қазақстанның мүдделі өңірлері мен Шанхай қаласы арасындағы сауда-экономикалық және мәдени-гуманитарлық өзара іс-қимылды одан әрі нығайтудың ағымдағы жай-күйі мен перспективаларын, сондай-ақ 2024 жылы бірлескен іс-шараларды өткізуді талқылады. Кездесу қорытындысы бойынша жоғарыда аталған бағыттар бойынша екіжақты өзара іс-қимылды жандандыру мақсатында ҚР Шанхай қ. Бас консулдығы мен Шанхай қ. Халық үкіметінің Сыртқы істер кеңсесі  арасында тығыз байланыста болу уағдаластығына қол жеткізілді.