Цзянси провинциясы Халық үкіметінің Сыртқы істер кеңсесінің басшылығымен екіжақты ынтымақтастықты дамыту перспективалары талқыланды

Шанхай, 15 маусым 2023 жыл – Қазақстанның Шанхайдағы Бас консулы Рахымжан Рахимов Цзянси провинциясы Халық үкіметінің Сыртқы істер кеңсесі меңгерушісінің орынбасары Хуан Сяоянмен кездесу өткізді.

Кездесу барысында тараптар Қазақстанның мүдделі өңірлері мен Цзянси провинциясы арасындағы сауда-инвестициялық және мәдени-білім беру өзара іс-қимылын одан әрі нығайту, сондай-ақ 2023 жылы бірлескен сауда-экономикалық және мәдени-гуманитарлық іс-шараларды өткізу перспективаларын талқылады. Кездесу қорытындысы бойынша тараптар Қазақстанның Шанхай қаласындағы Бас консулдығы мен Цзянси провинциясы Халық үкіметінің Сыртқы істер кеңсесі арасындағы байланыстарды жандандыруға келісті.