Шетелде баланың тууын мемлекеттік тіркеу

• Баланың тууын мемлекеттік тіркеу туралы өтініш.
• Ата-анасының жеке басын куәландыратын құжаттар немесе цифрлық құжаттар сервисінен электрондық құжат (салыстыру үшін).
• Көрсетілетін қызметті алушының өкілі жүгінген жағдайда нотариалды куәландырылған сенімхат.
• Егер баланың ата-анасының бірі шет мемлекеттің азаматы болып табылса, қазақстандық үлгідегі куәлік алуға нотариалды расталған келісім.
• Егер ата-анасының біреуі шет мемлекеттің азаматы болып табылса, құжаттың мемлекеттік немесе орыс тіліне нотариалды расталған аудармасы.
• Ата-анасының неке қию (ерлі-зайыпты болу) туралы куәлігінің көшірмесі (салыстыру үшін).
• Баланың туу туралы медициналық куәлігі немесе баланың туу фактісін анықтау туралы сот шешімінің көшірмесі не туу туралы куәліктің түпнұсқасы (салыстыру үшін) не баланың туу туралы актілік жазбаның көшірмесі.
• Консулдық алымның төленгенін растайтын құжаттың түпнұсқасы.

 Баланың тууын тіркеу мерзімі бұзылған жағдайда ата-аналардың еркін түрде жазылған жазбаша түсініктемесі қосымша ұсынылады.

 Шет мемлекеттің құзыретті мекемесі не оған арнайы уәкілетті тұлға өз құзыреті шегінде және белгіленген нысан бойынша берген немесе куәландырған шет мемлекеттің елтаңбалы мөрімен бекітілген құжаттар арнайы куәлік (заңдастыру немесе апостильдеу) рәсімінен өткеннен кейін ғана қабылданады (Қазақстан Республикасы Жоғарғы Кеңесінің 1993 жылғы 31 наурыздағы қаулысымен ратификацияланған, 1993 жылғы 22 қаңтарда Минск қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға және Қазақстан Республикасының Заңымен ратификацияланған, 2002 жылғы 7 қазанда Кишинев қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға қатысушы елдер үшін талап етілмейді).

 Қазақстан Республикасынан тыс тиісті шет мемлекеттің тілінде берілген құжаттар мемлекеттік немесе орыс тіліне аударылуға жатады.

ЕГЕР АТА-АНАНЫҢ БІРІ БАСҚА ЕЛДІҢ АЗАМАТЫ БОЛСА

Баланың тууын тіркеу Корея клиникасы берген медициналық туу туралы анықтама негізінде жүргізіледі.
Баланың тууын тіркеуге арналған өтініш Қазақстан Республикасының азаматы болып табылатын ата-анадан бала туған күннен бастап екі айдан кешіктірілмей қабылданады.

Туу туралы куәлік алу үшін баланың ата-анасының бірінің Қазақстан Республикасының Сеул қаласындағы Елшілігіне жеке өзі келуі және келесі құжаттарды 2 дана көшірмесімен ұсынуы қажет:

1. Белгіленген нысандағы өтініш – 2 дана;
2. Бала туғаны туралы медициналық анықтама, қазақ немесе орыс тіліне аударылған және нотариуста куәландырылған, «Apostille» мөрі қойылған – 1 түпнұсқа және 1 көшірме;
3. Қазақстан Республикасы азаматы болып табылатын ата-ананың төлқұжатының түпнұсқасы және көшірмесі – 2 дана;
4. Шет ел азаматы болып табылатын ата-ананың нотариалды куәландырылған және орыс тіліне аударылған паспорты;
5. Шет мемлекеттің елшілігінен немесе нотариус арқылы берілген келісім хат, қазақ немесе орыс тіліне аударылған және нотариуста куәландырылған, «Apostille» мөрі қойылған – 1 түпнұсқа және 1 көшірме;
6. Неке қию туралы куәліктің түпнұсқасы және көшірмесі – 2 дана;
7. Консулдық алымды төлеу – 25 АҚШ доллары мөлшерінде.

Қазақстан Республикасының заңнамасында белгіленген екі айлық мерзім бұзылған жағдайда қосымша төмендегі құжат ұсынылады:

1. Ата-аналардан еркін түрде жазылған түсіндірме хат.

 Әке болуды анықтаумен байланысты туу туралы акт жазбасына өзгерістер, толықтырулар енгізу қажет болған жағдайда:

• әкелікті анықтауға байланысты тууды мемлекеттік тіркеу туралы актілік жазбаға өзгерістер, толықтырулар енгізу туралы өтініш;
• консулдық алымның төленгенін растайтын құжаттың түпнұсқасы.

• Құжаттар топтамасын тапсырған күннен бастап – 5 жұмыс күні;
• Порталға жүгінген кезде – 3 жұмыс күні.

• 25 АҚШ доллары

• Шетелде азаматтық хал актілерін мемлекеттік тіркеу саласында мемлекеттік қызметтерді көрсету, сондай-ақ азаматтық хал актілерін тіркеу туралы қайталама куәліктер мен анықтамалар беру қағидалары

https://www.gov.kz/memleket/entities/mfa-seoul/online-booking?lang=kk

Құжаттарды алдын ала жазылу бойынша қабылдау: күнделікті ( сәрсенбі, сенбі, жексенбі және мерекелік күндерден басқа) сағат 9:30-дан 12:30-ға дейін.

Дайын құжаттарды беру: сағат 15:00-ден 17:00-ге дейін.

Мекен-жайы: 53 Jangmun-ro, Yongsan-gu, Seoul (04392)

Телефон арқылы хабарласыңыз: +82 2 379 9714 және / немесе электрондық пошта: seoul@mfa.kz